سیالکوٹ: صوبہ پنجاب کے شہر سیالکوٹ میں پولیس نے حاملہ بیوی کو قتل کرنے والے شوہر کو گرفتار کرلیا۔

پولیس کے مطابق بھیلوال گاؤں کے رہائشی ملزم شاہد نے 2 روز قبل میکے جانے کے اصرار پر اپنی حاملہ بیوی طاہرہ پر وحشیانہ تشدد کیا جس کی وجہ سے ان کی اہلیہ اور 7 ماہ کا بچہ موقع پر ہی دم توڑ گئے۔

پولیس نے بتایا کہ مقتولہ طاہرہ کے 5 بیٹے اور 2 بیٹیاں تھیں۔

طاہرہ کے بھائی شجاع احمد کی مدعیت میں کنٹونمنٹ پولیس نے ملزم شاہد کے خلاف قتل کا مقدمہ درج کیا۔

پولیس نے واقعے کے 2 روز بعد ملزم کو گرفتار کرکے تحقیقات کا آغاز کردیا۔

یہ خبر 11 جولائی 2016 کو ڈان اخبار میں شائع ہوئی