سری لنکا کو لگاتار تیسری شکست، سیریز بھی ہار گیا
اپ ڈیٹ 20 اکتوبر 2017
پاکستان نے امام الحق کی سنچری اور حسن علی کی شاندار باؤلنگ کی بدولت سری لنکا کو لگاتار تیسرے ون ڈے میچ میں شکست دے کر سیریز بھی اپنے نام کر لی۔
ابوظہبی میں کھیلے گئے سیریز کے تیسرے میچ میں سری لنکا نے ٹاس جیت کر پہلے بیٹنگ کا فیصلہ کیا جو اپل تھارنگا کی شاندار بیٹنگ سے ابتدا میں بہترین ثابت ہوا لیکن بعد میں شاداب خان اور خصوصاً حسن علی کی شاندار باؤلنگ کے سامنے پوری سری لنکن ٹیم 208 رنز پر ڈھیر ہو گئی۔
تھارنگا نے 60 رنز بنائے جبکہ حسن علی نے پانچ اور شاداب نے دو وکٹیں حاصل کیں۔
پاکستانی اوپنرز نے ٹیم کو 78 رنز کا عمدہ آغاز فراہم کر کے فتح کی بنیاد رکھی اور امام الحق نے پہلے ہی میچ میں سنچری اسکور کر کے ٹیم کو 45 گیندوں قبل ہی ہدف تک رسائی دلا دی۔
امام کو شاندار بیٹنگ پر میچ کا بہترین کھلاڑی قرار دیا گیا۔
تبصرے (0) بند ہیں