'اظہرالدین' بننے کیلئے تامل سیکھنا ضروری
27 فروری 2015
بولی وڈ اداکارعمران ہاشمی انڈیا کرکٹ ٹیم کے سابق کپتان اظہر الدین کی زندگی پر بننے والی فلم کیلئے تامل زبان سیکھیں گے۔
ہدایت کار انتھونی ڈی سوزا کی فلم میں اظہر الدین بننے والے عمران کا کہنا ہے کہ فلم کی تیاریوں نے ان کی نیندیں حرام کر دیں۔
عمران کچھ مہینوں سےباقاعدہ کرکٹ کھیلنے کی تربیت حاصل کر رہے ہیں اور اب انہیں تامل زبان بھی سیکھنا پڑے گی۔
ذرائع نے بتایا کہ عمران اظہر سے کرکٹ پر گفتگو کرنے کے ساتھ ساتھ ان کی زندگی کے مختلف پہلوؤں سے بھی روشناس ہو رہے ہیں۔
'فلم میں بعض مقامات پر عمران کے لیے تامل بولنا ضروری ہو گا لہذا انہیں یہ زبان سیکھنا ہو گی'۔
عمران مارچ میں ایک ماہر سے تامل سیکھنے کے ساتھ ساتھ لب ولہجہ پر بھی توجہ دیں گے۔
عمران نے رابطہ کرنے پر تصدیق کرتے ہوئے بتایا کہ وہ تامل سیکھنے کیلئے دو مہینوں کا کورس مکمل کریں گے۔
تبصرے (0) بند ہیں