صحت غذ١ کاروبار موبائل فون‎حیرت انگیز غزہ المیہ

گنیز بک آف ورلڈ ریکارڈ وہ کتاب ہے جس میں ہر سال نت نئے عالمی ریکارڈز سامنے آتے ہیں، جن میں سے اکثر ایسے ہوتے ہیں جو چہرے پر مسکراہٹ بکھیر دیتے ہیں۔

ایسا لگتا ہے کہ ہر گزرتے برس کے ساتھ گنیز بک آف ورلڈ ریکارڈ میں تنوع آتا جارہا ہے۔

حال ہی میں گنیز بک آف ورلڈ ریکارڈ کا 2017 ایڈیشن سامنے آیا ہے جو پہلے سے بڑا اور سب سے بہترین نظر آتا ہے۔

اس میں شامل کچھ ریکارڈز ایسے بھی ہیں، جو آپ کو حیران ہونے یا مسکرانے پر مجبور کرسکتے ہیں۔

سب سے لمبی بلی

ویسٹ یارکس کی رہائشی کیلسی گل کی بلی کو یہ اعزاز ملا ہے جس کی لمبائی تین فٹ 10.59 انچ ہے۔

لمبا کتا

فلوریڈا کے رہائشی گریگ سیمپل کے کتے کی اونچائی 37.96 انچ ہے اور تصویر میں آپ دیگر کتوں کے مقابلے میں اس کی لمبائی دیکھ ہی سکتے ہیں۔

داڑھی والی کم عمر ترین خاتون

ویسے یہ ورلڈ ریکارڈ ہے تو عجیب مگر برطانیہ کی 25 سالہ ہرنام کور کو گنیز بک آف ورلڈ ریکارڈ نے اس اعزاز سے نوازا ہے اور جس وقت اس ریکارڈ کی تصدیق کی گئی، وہ 24 سال اور 282 دن کی تھیں۔ ہرنام کا خود کہنا ہے کہ 11 سال کی عمر میں وہ ایک مرض polycystic ovary syndrome کی شکار ہوگئی تھیں جس کے نتجے میں چہرے پر یہ داڑھی آئی۔