پاکستانی قوم نے مادر وطن کی آزادی کے 70 سال مکمل ہونے پر جشن بھرپور انداز میں منایااور جگہ جگہ خوب صورت رنگ بکھیر دیے۔

صدر ممنون حسین اور دیگر حکومتی عہدیداروں اور وزیروں نے مختلف علاقوں میں پرچم کشائی کی اور نوجوانوں نے جوش وخروش دکھایا۔

پاک فضائیہ نے اسلام آباد اور کراچی میں فضائی کرتب دکھائے جس میں ترکی اور سعودی عرب کی فضائیہ کے اراکین نےبھی حصہ لیا۔

چین کے نائب وزیراعظم وانگ یانگ بھی پاکستان کے 71 ویں یوم آزادی کے جشن میں شرکت کے لیے پاکستان آئے اور اسلام آباد میں مرکزی تقریب میں شرکت کی۔