امریکی ریاست کیلی فورنیا جنوبی علاقے میں میں طوفانی بارشوں کے بعد مٹی کا تودہ گرنے سے ہلاکتوں کی تعداد 17 ہوگئی۔

غیر ملکی خبر رساں ایجنسی ’اے ایف پی‘ کے مطابق کیلی فورنیا کے شہر لاس اینجلس کی سینٹا باربرا کاؤنٹی کے مشرقی علاقے میں طوفانی بارشوں کے بعد پتھروں اور کیچڑ کا سیلاب آگیا، جس سے 100 سے زائد گھر تباہ ہوگئے اور 300 سے زائد گھروں کو بری طرح نقصان پہنچا۔

مٹی کا تودہ گرنے سے 150 سے زائد افراد زخمی بھی ہوئے جبکہ 30 ہزار افراد کو محفوظ مقامات پر منتقل کیا گیا۔

تودے کے ملبے تلے دبنے والے اب بھی کئی افراد لاپتہ ہیں۔

طوفانی بارشوں اور سیلاب سے امریکی اداکارہ اوپرا ونفرے کے گھر کو بھی نقصان پہنچا۔