میٹھی عید کی اسپیشل سوغات سویوں کی مانگ میں اضافہ ہونا ایک معمول کی بات ہے، جس کے باعث سویاں بنانے کے کام میں بھی تیزی دیکھی جارہی ہے۔

عید کے موقع پر سویوں کی مانگ بڑھ جانے کے باعث چھوٹی فیکٹریوں اور ورکشاپس میں ملازمین رمضان کے آخری 10 روز کے دوران دن رات مختلف شفٹس میں سویاں تیار کرتے ہیں۔

سویاں تیار کرنے کا عمل کافی طویل ہے، اس کی تیاری میں 6 سے 7 افراد درکار ہوتے ہیں جبکہ مشینوں سے قبل ان سویوں کو ہاتھ سے تیار کیا جاتا تھا۔

عید کے موقع پر سویوں سے بنی ڈش کو عزیز واقارب کو بھی بھیجا جاتا ہے، یوں یہ سویاں عید الفطر کی خوشی کو دوبالا کردیتی ہیں۔