برطانیہ کے شہزادے ولیم اور ان کی اہلیہ کیٹ مڈلٹن نے 5 روزہ دورہ پاکستان کے دوران اسلام آباد میں آج مصروف ترین دن گزارا۔

برطانوی شاہی جوڑے کا خصوصی طیارہ گزشتہ رات ساڑھے 9 بجے اسلام آباد پہنچے تھےنورخان ایئربیس پہنچا تھا، جہاں وزیر خارجہ شاہ محمود قریشی، برطانوی ہائی کمشنر تھومس ڈریو اور دیگر حکام نے ان کا ریڈ کارپیٹ استقبال کیا تھا جبکہ بچوں نے شاہی مہمانوں کو گلدستے پیش کیے تھے۔

ان کے دورے کا آغاز 14 اکتوبر سے ہوا تھا جو 18 اکتوبر تک جاری رہے گا۔

پاکستان کے دورے کے دوسرے دن کا آغاز برطانوی شہزادے اور ان کی اہلیہ نے گورنمنٹ گرلز ہائی اسکول یونیورسٹی کالونی اسلام آباد کا دورہ کر کے کیا تھا اور ’ٹیچ فار پاکستان‘ مہم کے اثرات کا جائزہ لیا تھا۔

جس کے بعد وہ اسلام آباد میں ٹریل 5 کے مقام پر ماحولیاتی تحفظ سے متعلق تقریب میں شریک ہوئے جہاں انہیں اس حوالے سے بریفنگ بھی دی گئی۔

بعد ازاں انہوں نے ایوانِ صدر میں صدر مملکت عارف علوی سے ملاقات کی جس میں شاہی جوڑے کے ہمراہ برطانوی ہائی کمشنر تھامس ڈریو اور دیگر سفارتی عہدیدار بھی شریک ہوئے۔

جس کے بعد وہ وزیراعظم ہاؤس پہنچے جہاں وزیراعظم عمران خان نے خود ان کا پرتپاک استقبال کیا، وزیراعظم ہاؤس آمد کے موقع پر انہوں نے وزیراعظم کی جانب سے دیے گئے ظہرانے میں بھی شرکت کی۔

رات کو اسلام آباد میں قومی یادگار پر برطانوی ہائی کمشنر برائے پاکستان تھامس ڈریو کی جانب سے دیے گئے عشائیے میں شرکت بھی کی جہاں وہ رکشے میں پہنچے۔