دنیا کے مختلف حصوں میں عید الاضحیٰ کے رنگ
اپ ڈیٹ 11 جولائ 2022
دنیا بھر کے لاکھوں مسلمانوں نے اتوار کے روز عیدالاضحیٰ منائی، جسے عید قربان بھی کہا جاتا ہے اور اسلام کے سب سے بڑے تہواروں میں سے ایک ہے۔
کچھ ممالک بالخصوص مشرق وسطیٰ، افغانستان، لیبیا اور کینیا میں عیدالاضحیٰ ایک روز قبل منائی گئی، جب کہ پاکستان اور بھارت سمیت دیگر ممالک آج عید منا رہے ہیں۔
عید الاضحی میں مویشیوں کو ذبح اور ضرورت مندوں کو گوشت تقسیم کیا جاتا ہے، ایسے میں کچھ ممالک میں کووڈ 19 کے دوبارہ سر اٹھانے کے خدشات بھی موجود ہیں۔
یہ تہوار حج کے اختتام کی نشان دہی کرتا ہے اور حضرت ابراہیم (علیہ السلام) کی جانب سے اللہ کی اطاعت کے لیے اپنے بیٹے کو قربان کرنے کے لیے تیاری کی یاد دلاتا ہے۔
تبصرے (1) بند ہیں