ترک وزیراعظم کا استعفیٰ منظور
09 جون 2015
انقرہ: ترکی کے صدر طیب اردوان کے دفتر کے مطابق وزیراعظم احمد داؤد اولو کی حکومت کے استعفے کو قبول کرلیا گیا ہے جس کے بعد نئی حکومت تشکیل دی جائے گی۔
خبر رساں ادارے اے پی کے مطابق یہ پیشرفت ایک ایسے موقع پر سامنے آئی ہے جب حکمران جماعت نے انتخابات کے دوران اکثریت کھو بیٹھی۔
مزید پڑھیں: ترکی: حکمران جماعت اکثریت سے محروم
امید کی جارہی ہے کہ اردوان اب احمد داؤد اولو کو مخلوط حکومت بنانے کا مشکل کام سونپیں گے جبکہ حزب اختلاف کی جماعتوں نے حکومت سے کسی قسم کا معاہدہ نہ کرنے کا اعلان کر رکھا ہے۔
یہ بھی امید کی جارہی ہے کہ اپوزیشن جماعتیں حکومت میں اردوان کے کردار کو محدود کرنے کا مطالبہ کریں گی۔
تاہم نئی حکومت کی تشکیل تک موجودہ حکومت ہی اقتدار سنبھالے گی۔
تبصرے (0) بند ہیں