صحت غذ١ کاروبار موبائل فون‎حیرت انگیز غزہ المیہ

سوشل شیئرنگ ایپلی کیشن اسنیپ چیٹ کے ارب پتی 26 سالہ چیف ایگزیکٹو آفیسر (سی ای او) ایون اسپیگل نے آسٹریلوی سپر ماڈل مرنڈا کیر سے شادی کرلی۔

ایون اسپیگل کی اہلیہ ان سے 8 سال بڑی، جب کہ ایک بچے کی ماں بھی ہیں، ان کی یہ دوسری شادی ہے۔

دونوں کی شادی لاس اینجلس میں ان کی جانب سے خریدے گئے مشترکہ گھر میں ہوئی، جو انہوں نے 2016 میں خریدا تھا۔

ایون اسپیگل اور مرنڈا کیر کی شادی انتہائی سادگی سے ہوئی، جس میں جوڑے کے خاندان کے افراد انتہائی قریبی رشتہ داروں نے شرکت کی۔

یہ بھی پڑھ لیں: اسنیپ چیٹ کے سربراہ نے دلہن منتخب کرلی

شادی کی تقریب انتہائی سادگی سے ہوئی—فوٹو: اسپلاش نیوز

مقامی نشریاتی ادارے ٹی ایم زیڈ ڈاٹ کام نے دونوں کی شادی کی ویڈیو جاری کی، جو ان کے گھر کے باہر بنائی گئی۔

مزید پڑھیں: برطانوی شہزادی کی چھوٹی بہن کی شاہانہ شادی

ویڈیو میں دیکھا جاسکتا ہے کہ شادی میں شرکت کے لیے مہمانوں کی آمد کا سلسلہ جاری ہے، جب کہ ویڈیو میں گھر کے اندر سے سپر ماڈل مرنڈا کیر کی جانب سے گائے جانے والے گانے کی آواز بھی آ رہی ہے۔

خیال رہے کہ ان دونوں کے درمیان 2013 میں تعلقات قائم ہوئے، جس کے بعد انہیں کئی مواقع پر ایک ساتھ دیکھا گیا.

ان دونوں نے جولائی 2014 میں منگنی کرلی تھی، تاہم گزشتہ ہفتے اچانک یہ خبر سامنے آئی کہ دونوں مئی کے آخری ہفتے میں شادی کرنے والے ہیں۔

مرنڈا کیر کی یہ دوسری شادی ہے، ان کی پہلی شادی ہولی وڈ اداکار اورلانڈا جوناتھن بلوم سے ہوئی تھی، جس سے انہوں نے 2013 میں علیحدگی اختیار کرلی تھی۔