قومی ریسلر عنایت اللہ نے یوتھ اولمپک گیمز میں کانسی کا تمغہ جیت کر تاریخ رقم کر دی۔

ارجنٹائن کے دارالحکومت بیونس آئرس میں جاری یوتھ اولمپک گیمز میں پاکستانی ریسلر عنایت اللہ نے امریکی ریسلر کارسن مینوِلے کو 2 کے مقابلے میں 6 ٹیکنیکل پوائنٹس سے شکست دے کر کانسی کا تمغہ جیتا۔

انہوں نے 65 کلو گرام فری اسٹائل ریسلنگ ایونٹ میں کانسی کا تمغہ حاصل کیا۔

یہ بھی پڑھیں: جونیئر ہاکی ٹیم یوتھ اولمپکس کی دوڑ سے باہر

عنایت اللہ، یوتھ اولمپک گیمز میں تمغہ جیتنے والے پہلے پاکستانی ہیں۔

ایونٹ کے طلائی تمغے کے مقابلے میں آذربائیجان کے ریسلر نے ایرانی ریسلر کو شکست دی۔