کمشنر کراچی افتخار شالوانی نے کہا ہے حکومت سندھ میں شہر میں مویشی منڈ ی کے کاروبار کے اوقات میں توسیع کردی ہے۔

ان کا کہنا تھا کہ مویشی منڈیاں صبح سات بجے سے رات گیارہ بجے تک کھلی رہیں گی جبکہ دیگر تمام کاروبار کے اوقات تبدیل نہیں کیے گئے اور معمول کے مطابق سات بجے بند ہوجائیں گے۔

حکومت سندھ کی جانب سے نوٹی فکیشن بھی جاری کردیا گیا ہے اور کہا گیا ہے کہ ڈپٹی کمشنرز حکومت کے احکامات پر عمل درآمد کرائیں۔