وزیراعلیٰ سندھ مراد علی شاہ نے کورونا وائرس سے متعلق بیان میں کہا ہے کہ صوبے میں گزشتہ 24 گھنٹوں میں 14 ہزار 486 ٹیسٹ کیے گئے اور 976 نئے کیسز رپورٹ ہوئے۔

انہوں نے کہا کہ سندھ میں گزشتہ 24 گھنٹوں کے دوران کورونا سے 16 اموات رپورٹ ہوئیں جس کے بعد کورونا سے اموات کی مجموعی تعداد 4 ہزار 742 ہوچکی ہے جبکہ آج مزید 586 مریض صحت یاب ہوئے ہیں۔

وزیراعلیٰ سندھ نے کہا کہ کورونا سے صحت یاب افراد کی مجموعی تعداد 2 لاکھ 69 ہزار 820 ہو چکی ہے جبکہ صوبے میں اب تک مجموعی طور پر 37 لاکھ 67 ہزار 62 ٹیسٹ کیے جاچکے ہیں اور رپورٹ ہونے والے کیسز کی مجموعی تعداد 2 لاکھ 92 ہزار 643 ہے جبکہ اس وقت 18 ہزار 81 مریض زیر علاج ہیں۔