گلاسز کے بغیر 3 ڈی مواد ڈسپلے کرنے والا منفرد لیپ ٹاپ

14 اکتوبر 2021
یہ کانسیپٹ لیپ ٹاپ تھری ڈی مواد ڈسپلے کرسکتا ہے — فوٹو بشکریہ ایسر
یہ کانسیپٹ لیپ ٹاپ تھری ڈی مواد ڈسپلے کرسکتا ہے — فوٹو بشکریہ ایسر

معروف کمپنی ایسر نے گلاسز فری تھری ڈی ٹیکنالوجی پر مبنی پہلا کانسیپٹ لیپ ٹاپ متعارف کرا دیا ہے۔

کانسیپٹ ڈ 7 اسپیٹل لیب ایڈیشن نامی اس لیپ ٹاپ کی تیاری کا اعلان 2021 کے شروع میں کیا گیا تھا۔

یہ مختلف اقسام کے ہارڈ ویئر اور سافٹ ویئر فیچرز پر مشتمل ہے۔

ان فیچرز میں ایک خاص اسٹیریو کیمرا قابل ذکر ہے جس مٰں ایسے 2 سنسرز موجود ہیں جو آپ کی آنکھوں اور سر کو ٹریک کرتے ہیں، ایک آپٹیکل لینس آنکھوں کے سامنے 2 معمولی مختلف تصاویر کو پیش کرتا ہے جبکہ رینڈرنگ سافٹ ویئر آپ کی حرکت کے ساتھ رئیل ٹائم میں تھری ڈی امیجز کو ایڈجسٹ کرتا ہے۔

کمپنی کے مطابق صارفین اس لیپ ٹاپ پر تھری ڈی پراجیکٹس جیسے تھری ڈی پرنٹنگ، آرکیٹکچر یا انیمیشن کو دیکھ سکیں گے۔

ایسر کی جانب سے چند ٹول جیسے اسپیٹل لیبز ماڈل ویورز بھی فراہم کیے جائیں گے تاکہ مختلف ایپس سے تھری ڈی فائلز کو امپورٹ کرسکیں گے۔

فوٹو بشکریہ ایسر
فوٹو بشکریہ ایسر

اسی طرح ڈویلپرز کے ساتھ مل کر بھی مزید ٹولز کی تیاری پر کام کیا جارہا ہے۔

کمپنی ک یجانب سے ایک اسپیٹل لیبز گو ایپ بھی فراہم کی جائے گی جو 2 ڈی مواد جیسے ویڈیوز، گیمز، سادہ گیمز اور دیگر کو اسٹیریو اسکوپک تھری ڈی میں تبدیل کرے گی۔

اس سے ہٹ کر لیپ ٹاپ میں انٹیل کور آئی 7 پراسیسر، 32 جی بی ڈی ڈی آر 4 ریم (جس کو 64 جی بی تک بڑھایا جاسکتا ہے) اور 2 ٹی بی اسٹوریج جیسے فیچرز موجود ہوں گے۔

اسی طرح 15.6 انچ کا ایل سی ڈی ڈسپلے لیپ ٹاپ کا حصہ ہوگا۔

یہ لیپ ٹاپ یورپ، مشرق وسطیٰ اور افریقہ میں دسمبر 2021 میں 3599 یورو (7 لاکھ 13 ہزار پاکستانی روپے سے زائد) میں فروخت کیا جائے گا۔

تبصرے (0) بند ہیں