مسلم لیگ (ن) نے وفاقی حکومت کی تشکیل کے لیے 12 منتخب ناراض لیگی ارکان قومی اسمبلی سے رابطہ کرلیا ہے۔

ڈان نیوز کے مطابق مسلم لیگ (ن) کے ذرائع نے بتایا کہ ناراض ارکان اسمبلی مکمل یقین دہانی کے بعد نواز شریف سے ملاقات کریں گے۔

ان کا مزید کہنا تھا کہ مسلم لیگ (ن) کے 12 ناراض اراکین آزاد حیثیت میں الیکشن لڑ کر کامیاب ہوئے ہیں۔

ذرائع کا دعویٰ تھا کہ 12 ناراض اراکین کے واپس پارٹی میں آنے سے (ن) لیگ کی پوزیشن مزید مستحکم ہو گی اور معاملات طے ہونے کی صورت میں ہی مسلم لیگ (ن) تمام اراکین کے نام سامنے لائے گی۔