صحت غذ١ کاروبار موبائل فون‎حیرت انگیز غزہ المیہ

برطانوی فلم ساز شیرولٹ پروجر کی آئی فون پر ریکارڈ کی گئی مختصر سوانحی فلم نے آرٹ کی دنیا کا ممتاز انعام ‘ٹرنرپرائز2018’ جیت لیا۔

الجزیرہ کی رپورٹ کے مطابق اس ایوارڈ کے لیے 4 فلموں کو نامزد کیا گیا تھا جو اس ایوارڈ کی تاریخ میں پہلی مرتبہ ہوا، اس سے قبل روایتی آرٹ کی تخلیقات کو یہ پرائز دیا جاتا تھا۔

منتظمین کا کہنا تھا کہ ‘آج کے اہم مسائل جنسی شناخت، انسانی حقوق کی پامالی، پولیس کے مظالم، ہجرت اور آزادی کی تحریکوں’ کو مدنظر رکھا گیا ہے۔

یہ بھی پڑھیں:کاملہ شمسی کے ہوم فائر کیلئے لندن ہیلینک ایوارڈ

ٹرنر پرائز کی بنیاد 34 برس قبل 80 کی دہائی میں پیٹرنز آف نیو آرٹ کے نام سے ایک گروپ نے رکھی تھی جس کا مقصد معاصر برطانوی فن کی وسیع پیمانے پر حوصلہ افزائی کرنا تھا اور اس گروپ کا خیال تھا کہ برطانیہ میں بک ایوارڈ کے طرز پر اس کے ہم پلہ وژل آرٹس کا بھی ایک ایوارڈ ہونا چاہیے۔

برطانیہ سے تعلق رکھنے والی 44 سالہ پروجر مجسمہ ساز، مصنف اور فلم ساز ہیں اور اب نہیں ایک آئی فون پر 33 منٹ کی ‘بریڈجٹ’ کے نام بنائی گئی سوانحی فلم کو ممتاز ایوارڈ سے نواز دیا گیا۔

پروجر کو ان کی اس فلم کے لیے 31 ہزار 785 ڈالر کا انعام دیا گیا جس میں جنسی شناخت اورصںفی امتیاز کے حوالے سے مسائل کو اجاگر کیا گیا ہے۔

ایوارڈ یافتہ اس فلم میں پروجرز کے گھر اور اسکاٹ لینڈ کے ہائی لینڈز کے مناظر کو بھی دکھایا گیا ہے، موسیقی میں ان کے ابتدائی ماحول کی سنسناہٹ ہے اور اس فلم کا پیغام ان کے دوستوں اور دیگر فن کاروں کی آواز میں دیا گیا ہے۔

خیال رہے کہ اس ایوارڑ کے نامزد کی گئی دیگر فلموں میں فرانزک آرکیٹکچر بھی تھی جس کو لندن سے تعلق رکھنے والے آرکیٹکٹس، فلم سازوں، وکلا اور سائنس دانوں کو دکھایا گیا تھا۔

اس فلم کو بنگلہ دیشی نژاد برطانوی فلم سازنعیم مہیمن اور نیوزی لینڈ سے تعلق رکھنے والے لیوک ولیم تھامسن نے بنائی تھی۔ ٹرنر پرائز کی تاریخ میں روایتی آرٹ سے ہٹ کر پہلی مرتبہ کسی فلم کو یہ اعزاز بخشا گیا ہے۔