معروف ٹی وی ڈائریکٹر سید عاطف حسین گردے فیل ہونے کی وجہ سے جہان فانی سے کوچ کر گئے۔

عاطف حسین کے بھائی نے ڈان سے گفتگو کرتے ہوئے ان کے انتقال کی خبر کی تصدیق کی۔

عاطف حیسن نجی نشریاتی ادارے 'اے آر وائی' ٹی وی کے معروف ڈرامہ ’ببن خالہ کی بیٹیاں‘ کے ڈائریکٹر تھے۔

اس کے علاوہ ان کے معروف ڈراموں میں زندگی دھوپ تم گھنا سایا، اک تمنا لاحاصل سی، بے قصور، لاڈو میں پلی، اقرار وغیرہ شامل ہیں۔

وہ کراچی کے آغا خان ہسپتال میں زیر علاج تھے اور گزشتہ 2 روز سے وینٹی لیٹر پر تھے۔

ان کے انتقال کی خبر سنتے ہی سماجی رابطے کی ویب سائٹ 'ٹوئٹر' پر ان کے لیے تعزیتی پیغامات آنے شروع ہوگئے۔