پولیو سے متاثرہ وہیل چیئر ڈانسرز کی انوکھی محبت کی داستان

02 دسمبر 2019

ای میل

اوی ہانگ نارمل خاتون ساتھی ڈانسر کے ساتھ بھی ڈانس کرتے ہیں—فوٹو: اے ایف پی
اوی ہانگ نارمل خاتون ساتھی ڈانسر کے ساتھ بھی ڈانس کرتے ہیں—فوٹو: اے ایف پی

تائیوان کے وہیل چیئر ڈانسرز 48 سالہ اوی ہانگ اور ونسینٹ کو نے اگرچہ حال ہی میں جرمنی میں ہونے والی ’ورلڈ پارا ڈانس اسپورٹس چیمپیئن شپ‘ جیت کر نیا اعزاز حاصل کیا تھا۔

تاہم دنیا اب بھی ان دونوں پولیو سے متاثرہ ڈانسرز سے ناواقف ہے۔

تائیوان سے تعلق رکھنے والے دونوں ڈانسرز نے تقریبا ایک دہائی ایک ساتھ گزارنے کے بعد کچھ ہی عرصہ قبل شادی کرکے اپنی محبت کو رشتے میں بدلا تھا۔

دونوں پولیو سے متاثر ہونے سمیت ہم عمر بھی ہیں—فوٹو: اے ایف پی
دونوں پولیو سے متاثر ہونے سمیت ہم عمر بھی ہیں—فوٹو: اے ایف پی

ونسینٹ کو اور اوی ہانگ کو تائیوان کے اس آخری نسل میں شمار کیا جاتا ہے جو وہاں پولیو وائرس سے متاثر ہوئے تھے اور وہ بھی اپنے دیگر متعدد ہم وطنوں کی طرح وہیل چیئر تک محدود رہ گئے۔

دونوں کو ایک ہی خاتون ڈانس کی تربیت دیتی ہیں—فوٹو: اے ایف پی
دونوں کو ایک ہی خاتون ڈانس کی تربیت دیتی ہیں—فوٹو: اے ایف پی

خبر رساں ادارے ’اے ایف پی‘ کے مطابق ونسینٹ کو اور او ہانگ نے 10 سال قبل فلاحی تنظیم کی جانب سے خصوصی افراد کے لیے شروع کیے گئے پروگرام کے ذریعے ڈانس سیکھنا شروع کیا اور وہ کئی سال تک ایک ساتھ ڈانس سیکھتے رہے۔

وہیل چیئر ڈانسرز کے ساتھ نارمل ڈانسرز رضاکارانہ طور پر پرفارمنس کرتی ہیں—فوٹو: اے ایف پی
وہیل چیئر ڈانسرز کے ساتھ نارمل ڈانسرز رضاکارانہ طور پر پرفارمنس کرتی ہیں—فوٹو: اے ایف پی

دونوں نے تقریبا ایک دہائی تک ڈانس سیکھنے کے دوران ایک دوسرے سے کیے گئے محبت کے وعدوں کو حال ہی میں نبھایا اور دونوں نے شادی کرلی۔

ونسینٹ کو اور او ہانگ نے ابتدائی طور پر جرمنی کے شہر بون میں وہیل چیئر ڈانس سیکھی تھی جس کے بعد انہوں نے ’تائپے‘ میں بھی ڈانس سیکھنے کو عمل کو برقرار رکھا۔

تائیوان میں ان سمیت دیگر 50 وہیل چیئر افراد ڈانس کی تربیت لے رہے ہیں—فوٹو: اے ایف پی
تائیوان میں ان سمیت دیگر 50 وہیل چیئر افراد ڈانس کی تربیت لے رہے ہیں—فوٹو: اے ایف پی

ونسینٹ کو اور او ہانگ اب بھی تائپے کے دیگر 50 وہیل چیئر ڈانسرز کے ساتھ مل کر تربیت لیتے ہیں اور ساتھ ہی وہ فلاحی منصوبوں کے پروگراموں میں بھی پرفارمنس کرتے ہیں۔

اوی ہانگ اپنی ٹیچر کے ساتھ بھی ڈانس کرتے ہیں—فوٹو: اے ایف پی
اوی ہانگ اپنی ٹیچر کے ساتھ بھی ڈانس کرتے ہیں—فوٹو: اے ایف پی

ساتھ ہی دونوں میاں بیوی وہیل چیئر ڈانسر عام ڈانسرز کے ساتھ بھی پرفارمنس کرتے ہیں، ان کے ساتھ پرفارمنس کرنے والے عام ڈانسر ان کی طرح وہیل چیئر پر نہیں ہوتے بلکہ وہ کسی نارمل انسان کی طرح اپنے پاؤں پر کھڑے ہوکر ڈانس کرتے ہیں۔