کورونا وائرس: 'پاکستان سمیت دیگر قرضے میں دبے ممالک کو ریلیف ملنا چاہیے'

22 مارچ 2020

ای میل

وزیر خارجہ شاہ محمود قریشی نے کہا ہے کہ بیرونی قرضوں سے دبے ہوئے پاکستان جیسے دیگر ممالک کو قرضوں کی ادائیگی میں ریلیف فراہم ہونا چاہیے تاکہ وہ کورونا وائرس سے نمٹنے پر توجہ دے سکیں۔

شاہ محمود قریشی نے اپنے جرمن ہم منصب ہیکو ماس سے فون پر گفتگو کرتے ہوئے اپنے موقف پر زور دیا۔

انہوں نے جرمن وزیر خارجہ کو بتایا کہ کورونا وائرس سے نمٹنے کے لیے متحدہ کوششوں کی ضرورت ہے جو پوری دنیا کے لیے ایک بڑا چیلنج بن کر ابھرا ہے۔

دوسری جانب جرمن وزیر خارجہ نے شاہ محمود قریشی کو یقین دلایا کہ وہ آئندہ ہفتہ جی 7 اجلاس اور یورپی یونین کے وزیر خارجہ کی کانفرنس میں معاشی طور پر جدوجہد کرنے والے ممالک اور ایران کے خلاف بین الاقوامی پابندیوں کے لیے قرض سے نجات کے امور اٹھائیں گے۔