پاکستان مسلم لیگ (ن) کی ترجمان مریم اورنگزیب نے ایک جاری بیان میں کہا ہے کہ پاکستان مسلم لیگ (ن) کے صدر اور قائد حزب اختلاف شہباز شریف آج 10 ہزار حفاظتی کٹس اور 10 ہزار ماسک ڈاکٹرز کے حوالے کریں گے۔

ان کا کہنا تھا کہ شہباز شریف یہ سامان سابق وفاقی وزیر صحت سائرہ افضل تارڑ اور سابق صوبائی وزیر صحت خواجہ سلمان رفیق، خواجہ عمران نذیر اور عطااللہ تاڑر کے حوالے کریں گے۔

مریم اورنگزیب نے کہا کہ آج مسلم لیگ (ن) کے مرکزی دفتر لاہور میں حفاظتی کٹس گرینڈ ڈاکٹرز الائینس کے حوالے کی جائیں گیں۔

انہوں نے بتایا کہ شہباز شریف نے منتخب نمائندوں کو فلاحی اور امدادی مہم تیز کرنے کی ہدایات جاری کی ہیں۔