لاہور: کورونا وائرس کے کیسز سامنے آنے پر قانون نافذ کرنے والے اداروں سے پورے رائیونڈ سٹی کو مکمل لاک ڈاؤن کردیا۔

ڈان اخبار کی رپورٹ کے مطابق تبلیغی مرکز سے مزید افراد کے کورونا وائرس میں مبتلا ہونے کی اطلاعات پر یہ کارروائی کی گئی۔

یوں 2 لاکھ آبادی والے شہر کی تمام آبادی کو ان کی رہائش گاہوں تک محدود کر کے ہر قسم کی تجارتی سرگرمیاں معطل کردی گئیں اور تمام سرکاری اور نجی ٹرانسپورٹ پر پابندی عائد کردی گئی۔