رمشا مسیح کیس: حکم امتناعی میں توسیع کردی گئی
17 اکتوبر 2012
اسلام آباد: اسلام آباد ہائیکورٹ نے رمشا مسیح کیس کی ایف آئی آر خارج کرنے کی درخواست پر ٹرائل کورٹ پر جاری حکم امتناعی میں توسیع کرتے ہوئے سماعت چودہ نومبر تک ملتوی کردی ہے۔
بدہ کے روز عدالت نے رمشا مسیح کیس کی ایف آئی آر خارج کرنے سے متعلق درخواست کی سماعت کی۔
دوران سماعت، چوہدری عبدالعزیز ایڈوکیٹ نے مدعی ملک عماد کی جانب سے وکالت نامہ جمع کروایا۔
عدالت عالیہ نے آئندہ سماعت پر وکلاء کو دلائل مکمل کرنے کی ہدایت کرتے ہوئے ٹرائل کورٹ پر حکم امتناعی میں توسیع کردی۔
کیس کی سماعت چودہ نومبر تک ملتوی کردی گئی۔
تبصرے (0) بند ہیں