معروف کمپنی بی ایم ڈبلیو نے اپنی سب سے تخلیقی اور بہترین اسپورٹس کار آئی ایٹ کو متعارف کرا دیا ہے۔

لاس ویگاس میں کنزیومر الیکٹرونکس شو کے دوران بی ایم ڈبلیو نے اپنی ہائیبریڈ اسپورٹس کار کے نمائشی ورژن کو پیش کیا۔

اس گاڑی میں روایتی سائیڈ اور رئیر ویو مررز کی جگہ کیمروں نے لی ہے، ایک ایک کیمرہ گاڑی کے دروازوں میں موجود ہے جبکہ مرکزی کیمرہ رئیر ونڈ شیلڈ کے اوپری حصے میں نصب کیا گیا ہے۔

یہ کیمرے 12x3 انچ کی مرکزی اسکرین پر فوٹیج فیڈ کرتے ہیں جس سے پیچھے اور دائیں بائیں گاڑیوں کے بارے میں ڈرائیور کو علم ہوتا ہے۔

کمپنی کا کہنا ہے کہ شروع میں ہوسکتا ہے ڈرائیو کو آئینے نہ ہونے پر کچھ مشکل کا سامنا ہو مگر جب وہ ڈسپلے پر یقین کرنا سیکھ لیں گے تو ان کے لیے یہ تجربہ زبردست ثابت ہوگا۔

اس گاڑی کو لاس ویگاس کی پرہجوم گلیوں میں چلا کر بھی دکھایا گیا جہاں یہ کیمرے ششیشوں کے مقابلے میں زیادہ بہتر محسوس ہوئے اور لوگوں نے اسے ڈرائیونگ کے لیے محفوظ فیچر قرار دیا۔

بی ایم ڈبلیو کا کہنا ہے کہ اس میں ٹوئن پاور ٹربو پٹرول انجن اور بی ایم ڈبلیو ای ڈرائیو ٹیکنالوجی ہے جو اسے پٹرول کے علاوہ الیکٹرک سسٹم پر چلانے میں بھی مدد دیتی ہے۔

اس کا نجن 231 ہارس پاور کا ہے جو پٹرول پر 260 کلومیٹر فی گھنٹہ جبکہ بجلی پر 120 کلومیٹر فی گھنٹہ کی رفتار سے دوڑ سکے گی۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔