بچوں کی اس پہیلی کو حل کرسکتے ہیں؟

04 نومبر 2018

ای میل

— اسکرین شاٹ
— اسکرین شاٹ

انٹرنیٹ پر سامنے آنے والے ایک پزل یا معمے نے لوگوں کو تقسیم کرکے رکھ دیا ہے جو کہ ایک سیدھا سادہ ریاضی کا مسئلہ ہے جس میں سیب، کیلے اور ناریل کو پیش کیا گیا ہے۔

مگر اس میں حساب کتاب کا ایسا معمہ رکھا گیا ہے جو اکثر افراد کے ذہنوں کو ہلا کر رکھ دیتا ہے۔

یہ تصویر کچھ عرصے قبل سوشل میڈیا پر سامنے آئی تھی جس میں لوگوں کو ہر تصویر میں پھلوں کی قدر یا ویلیو بتائی گئی۔

ماہرین کا تو دعویٰ ہے کہ اگر آپ یہ معمہ حل کرلیتے ہیں تو جنیئس افراد کی فہرست میں آپ کو شامل کیا جاسکتا ہے۔

مزید پڑھیں : اس پہیلی کو حل کرسکتے ہیں؟

جیسے 3 سیب جمع ہوکر 30 بنے یعنی ایک سیب کی قدر 10 قرار پائی۔

اسی طرح 5 کیلوں کے گچھے کی قدر 5 جبکہ ناریل کی جوڑی 3 نمبر کی حامل قرار دی گئی۔

تصویر کے آخر میں ایک ناریل، ایک سیب اور 4 کیلوں کو اکھٹا کرکے اوپر دی گئی معلومات کے ذریعے سوال کا جواب دینے کا چیلنج دیا گیا۔

اور انٹرنیٹ پر لوگ دیوانے سے ہوگئے اور سب الگ الگ جواب دینے لگے۔

کچھ کے خیال میں اس کا جواب سولہ ہے جبکہ کچھ 14 پر متفق نظر آتے ہیں۔

یہ بھی پڑھیں : کیا آپ ریاضی کی یہ پہیلی حل کرسکتے ہیں؟

آپ بھی کوشش کریں اور سوچیں صحیح جواب کیا ہوسکتا ہے، اگر کچھ سمجھ نہ آئیں تو اس سے نچلی لائن میں ہم نے جواب دیا ہے۔

اور وہ ہے 15، یعنی سیب 10، 4 کیلے 4 اور ایک ناریل بھی ایک۔