عالمی وبا کورونا وائرس
لائیو

عالمی وبا کورونا وائرس

اہم نکات:

  • کورونا وائرس سال 2019 دسمبر میں چین میں رپورٹ ہوا، 11 مارچ 2020 کو اسے ’’عالمی وبا‘‘ قرار دیا گیا۔

  • 192 سے زائد ممالک/خطے اس عالمی وبا کا شکار ہوچکے ہیں۔

  • دنیا بھر میں 13 کروڑ 60 لاکھ سے زائد افراد متاثر، 29 لاکھ 40 ہزار سے زائد افراد ہلاک اور 7 کروڑ 75 لاکھ سے زائد مریض صحت یاب ہوچکے۔

  • پاکستان میں متاثرہ افراد کی تعداد7 لاکھ 25 ہزار 602 ہوگئی اور 15 ہزار 501 افراد انتقال کرچکے ہیں جبکہ 6 لاکھ 34 ہزار 835 مریض صحتیاب بھی ہوئے ہیں۔

  • کورونا وائرس سے متعلق تازہ ترین خبروں کیلئے کلک کریں۔

تازہ ترین
6:20 PM

پنجاب کے اہم شہروں میں 19اپریل سے نویں سے 12ویں جماعت کی کلاسز شروع کرنے کا اعلان

1:07 PM

پاکستان میں مسلسل چوتھے روز کورونا وائرس سے 100 سے زائد ہلاکتیں

12:53 PM

بھارت میں کورونا وائرس سے ایک روز میں 2 لاکھ 17ہزار 353 افراد متاثر

Apr 15, 2021
5:20 PM

رمضان المبارک کے دوران کورونا وائرس سے محفوظ رہنے کی احتیاطی تدابیر

4:39 PM

ملک بھر میں کورونا وائرس کی صورتحال

2:00 PM

گزشتہ 24 گھنٹوں میں ملک میں کورونا وائرس کے 5 ہزار 395 کیسز سامنے آگئے

12:44 PM

جرمنی: جنوری کے بعد سے کووڈ 19 کے کیسز میں غیر معمولی اضافہ

Apr 14, 2021
10:32 PM

کورونا کیسز میں ریکارڈ اضافے پر ممبئی میں لاک ڈاؤن کی تیاریاں

10:30 PM

بھارت میں ریکارڈ ایک لاکھ 84 ہزار سے زائد کیسز رپورٹ

2:41 PM

'سماجی، سیاسی، کھیلوں سمیت ہرقسم کی ان اور آؤٹ ڈور تقریبات پر پابندی ہوگی'

اپريل 16, 2021 06:20pm

پنجاب کے اہم شہروں میں 19اپریل سے نویں سے 12ویں جماعت کی کلاسز شروع کرنے کا اعلان

وزیر تعلیم پنجاب مراد راس نے 19 اپریل سے پنجاب کے اہم شہروں میں ہفتے کے چار دن نویں سے بارہویں جماعت کی کلاسز دوبارہ شروع کرنے کا اعلان کیا ہے۔

سماجی رابطوں کی ویب سائٹ ٹوئٹر پر اپنے پیغام میں انہوں نے کہا کہ لاہور، راولپنڈی، فیصل آباد، شیخوپورہ، گوجرانوالہ، گجرات، سیالکوٹ، ملتان، ٹی ٹی سنگھ، سرگودھا، بہاولپور، رحیم یار خان، ڈیرہ غازی خان میں 19 اپریل سے نجی و سرکاری تعلیمی اداروں میں پیر سے جمعرات تک کلاسز ہوں گی۔

مراد راس نے کہا کہ دیگر اضلاع پہلے سے اعلان شدہ شیڈول پر عملدرآمد کریں۔

ای میل

اپريل 16, 2021 01:07pm

پاکستان میں مسلسل چوتھے روز کورونا وائرس سے 100 سے زائد ہلاکتیں

پاکستان میں گزشتہ 24 گھنٹوں کے دوران مزید 110 افراد کووِڈ 19 سے انتقال کر گئے۔

علاوہ ازیں 64 ہزار 481 نئے ٹیسٹ کیے گئے جس میں سے 5 ہزار 364 ٹیسٹ مثبت آئے۔

کیسز کے مثبت آنے کی شرح 8.31 رہی۔

اپريل 16, 2021 12:53pm

بھارت میں کورونا وائرس سے ایک روز میں 2 لاکھ 17ہزار 353 افراد متاثر

کورونا وائرس سے تیسرے سب سے متاثرہ ملک بھارت میں گزشتہ 24 گھنٹوں کے دوران کورونا وائرس کے 2 لاکھ 17 ہزار 353 کیسز سامنے آگئے۔

یوں بھارت میں مجموعی کورونا کیسز ایک کروڑ 42 لاکھ 91 ہزار 917 تک پہنچ گئے۔

اس کے علاوہ مزید ایک ہزار 185 مریضوں کے انتقال سے اموات کی تعداد ایک لاکھ 74 ہزار 308 تک جا پہنچی۔

15th Apr, 5:20 PM

رمضان المبارک کے دوران کورونا وائرس سے محفوظ رہنے کی احتیاطی تدابیر

رمضان المبارک کے ماہِ مقدس کے پیشِ نظر موجودہ حالات میں احتیاط کی پہلے سے زیادہ ضرورت ہے۔

یہ ویڈیو ان 20 اقدامات کی یاد دہانی ہے جو رمضان میں ہم سب کو اپنانے ہیں تاکہ ہم خود کو اور دوسروں کو کورونا سے محفوظ رکھ سکیں۔

15th Apr, 4:39 PM

ملک بھر میں کورونا وائرس کی صورتحال

پاکستان میں 15 اپریل کو چاروں صوبوں اور وفاقی اکائیوں میں کورونا وائرس کیسز اور اموات کی صورتحال درج ذیل ہے:

15th Apr, 2:00 PM

گزشتہ 24 گھنٹوں میں ملک میں کورونا وائرس کے 5 ہزار 395 کیسز سامنے آگئے

Nیشنل کمانڈ اینڈ آپریشن سینٹر کی طرف سے جاری اعدادو شمار کے مطابق گزشتہ 24 گھنٹوں کے دوران ملک بھر میں 5 ہزار 395 افراد کے کووڈ 19 ٹیسٹ مثبت آئے

ملک بھر میں گزشتہ 24 گھنٹوں کے دوران کورونا وائرس سے 118 اموات ہوئیں جس میں پنجاب کے بعد خیبرپختونخوا میں سب سے زیادہ اموات ریکارڈ کی گئیں۔

علاوہ ازیں ملک بھر میں کووڈ 19 کفعال کیسز کی تعداد 77 ہزار 294 ہے۔

15th Apr, 12:44 PM

جرمنی: جنوری کے بعد سے کووڈ 19 کے کیسز میں غیر معمولی اضافہ

جرمنی میں کورونا وائرس سے متاثرہ افراد کی تعداد 29 ہزار کے اضافے کے بعد بڑھ کر 30 لاکھ سے تجاوز کرگئی۔

غیرملکی خبررساں ادارے 'رائٹرز' کے مطابق جرمنی میں 8 جنوری کے بعد سے سب بڑا اضافہ ہے۔

دوسری جانب جرمنی میں تیسری لہر پر قابو پانے کے لیے ملک گیر لاک ڈاؤن میں سختیاں کی جارہی ہیں۔

حکام کے مطابق کورونا سے ہلاک شدگان کی تعداد 293 کے اضافے کے بعد 79 ہزار 381 ہوگئی۔

14th Apr, 10:32 PM

کورونا کیسز میں ریکارڈ اضافے پر ممبئی میں لاک ڈاؤن کی تیاریاں

بھارت کی ریاست مہاراشٹرا، جو ملک میں دوسری لہر کا مرکز ہے، وہاں آج سے وبا کا پھیلاؤ روکنے کی کوشش کے سخت پابندیاں نافذ کی جائیں گی۔

2 اپریل سے یومیہ کیسز میں ریکارڈ اضافے کی وجہ سے ان دنوں بھارت، وبا سے دنیا میں سب سے زیادہ متاثر ہونے والا ملک ہے جبکہ حکومت کی جانب سے نقل و حرکت اور سماجی رابطے پر قابو پانے میں ناکامی کو اس پھیلاؤ کا ذمہ دار قرار دیا جارہا ہے۔

14th Apr, 10:30 PM

بھارت میں ریکارڈ ایک لاکھ 84 ہزار سے زائد کیسز رپورٹ

بھارتی وزارت صحت کے اعداد و شمار کے مطابق گزشتپ 24 گھنٹوں میں ملک میں ایک لاکھ 84 ہزار 372 کیسز رپورٹ ہوئے۔

جس کے بعد بھارت میں کورونا وائرس کا شکار افراد کی مجموعی تعداد ایک کروڑ 39 لاکھ تک پہنچ گئی۔

اس کے ساتھ ہی گزشتہ 24 گھنٹوں میں ایک ہزار 27 افراد کی ہلاکت کے بعد بھارت میں کورونا وائرس سے ہلاک ہونے والوں کی مجموعی تعداد ایک لاکھ 72 ہزار85 ہوگئی۔

خبر کی مزید تفصیل یہاں پڑھیں

14th Apr, 2:41 PM

'سماجی، سیاسی، کھیلوں سمیت ہرقسم کی ان اور آؤٹ ڈور تقریبات پر پابندی ہوگی'

نیشنل کمانڈ اینڈ آپریشن سینٹر (این سی او سی) نے رمضان المبارک کے تناظر میں کورونا وائرس سے متعلق پابندیوں کا نوٹی فکیشن جاری کردیا جس کے تحت صوبوں کو کورونا کیسز کو مد نظر رکھتے ہوئے سخت اقدامات کی ہدایت کی گئی ہے۔

این سی او سی کی جانب سے جاری کردہ اعلامیے میں کہا گیا کہ وزیر منصوبہ بندی اسد عمر کی زیر صدارت این سی او سی کا اجلاس ہوا جس میں رمضان المبارک میں کورونا وائرس سے متعلق پابندیوں پر تبادلہ خیال کیا گیا۔

اعلامیے کے مطابق ‏14 اپریل (یکم رمضان المبارک) سے پابندیوں کا اطلاق شروع ہوگا اور لاک ڈاؤن کورونا کو مدنظر رکھ کر لگایا جائے گا۔

مزید پڑھنے کےلیے یہاں کلک کریں