پی ایس ایل9 میں کوئٹہ گلیڈی ایٹرز کے عقیل حسین کی پہلی ہیٹ ٹرک
پاکستان سپر لیگ کے نویں ایڈیشن میں کوئٹہ گلیڈی ایٹرز کے اسپنر عقیل حسین نے عمدہ باؤلنگ کرتے ہوئے سیزن کی پہلی ہیٹ ٹرک کا اعزاز حاصل کر لیا۔
کراچی میں پشاور زلمی اور کوئٹہ گلیڈی ایٹرز کے درمیان میچ میں عقیل حسین نے بڑے ہدف کی جانب گامزن پشاور زلمی کی بیٹنگ لائن کو تہس نہس کردیا۔
ایک مرتبہ پھر بڑی اننگز کھیلنے کی جانب گامزن بابر اعظم کو 53 رنز پر چلتا کرنے کے بعد اپنے اگلے اوور میں لگاتار تین وکٹیں لے کر ہیٹ ٹرک کرنے کا کارنامہ انجام دیا۔
ویسٹ انڈیز سے آئے عقیل حسین نے اننگز کے 16ویں اوور میں عامر جمال کو وکٹ کیپر کے ہاتھوں کیچ کرانے کے بعد اگلی ہی گیند پر مہران ممتاز کو بولڈ کردیا۔
اگلی گیند پر عقیل نے سلپ میں کھڑے کپتان رائلی روسو کی مدد سے لیوک وُڈ کو پویلین لوٹا کر اپنی ہیٹ ٹرک مکمل کر لی۔
یہ اس سیزن میں کسی بھی باؤلر کی جانب سے کی گئی پہلی ہیٹ ٹرک ہے۔
لائیو ٹی وی