محکمہ موسمیات کی کراچی میں منگل، بدھ کو بارش کی پیش گوئی
محکمہ موسمیات نے کراچی میں 28 اور 29 مئی کو بارش کی پیش گوئی کردی۔
محکمہ موسمیات کے مطابق شہر قائد میں کمزور مغربی ہواؤں کے زیر اثر شہر میں منگل اور بدھ کو ہلکی بارش کا امکان ہے۔
بیان میں کہا گیا ہے کہ کراچی میں بارش کے ساتھ گرد آلود ہوائیں بھی چلیں گی اور یہ سلسلہ 29 مئی تک جاری رہے گا۔
محکمہ موسمیات کا کہنا ہے کہ شہری بجلی کے پول اور تاروں سے فاصلہ رکھیں جبکہ بل بورڈ اور درختوں سے بھی دور رہیں۔
لائیو ٹی وی