عام انتخابات 2024 میں خیبرپختونخوا کی صوبائی اسمبلی پی کے 2 سے آزاد امیدوار فاتح الملک ناصر 28 ہزار 510 ووٹ کے ساتھ کامیاب ہوگئے۔

الیکشن کمیشن کی جانب سے جاری غیر حتمی نتیجے کے مطابق پیپلز پارٹی کے سلیم خان 22 ہزار 995 ووٹ لے کر دوسرے نمبر پر رہے۔

کراچی کے حلقے این اے 230 ملیر 2 سے پاکستان پیپلزپارٹی کے امیدوار سید رفیع اللہ 32 ہزار 99 ووٹ لے کر کامیاب ہوئے۔

الیکشن کمیشن کی جانب سے جاری غیر حتمی نتیجے کے مطابق پاکستان راہ حق پارٹی کے حافظ اورنگزیب فاروقی 15 ہزار 593 ووٹ لے کر دوسرے نمبر پر رہے۔

کراچی کے حلقے این اے 232 کورنگی 1 سے متحدہ قومی موومنٹ (پاکستان) کی امیدوار آسیہ اسحٰق 88 ہزار 260 ووٹ لے کر کامیاب ہوئیں۔

الیکشن کمیشن کی جانب سے جاری غیر حتمی نتیجے کے مطابق جماعت اسلامی کے توفیق الدین صدیقی 41 ہزار 106 ووٹ لے کر دوسرے نمبر پر رہے۔

غیر حتمی اور غیر سرکاری نتائج کے مطابق پنجاب اسمبلی کے حلقہ پی پی 153لاہور سے مسلم لیگ ن کے خواجہ سلمان رفیق 35232ووٹوں کیساتھ کامیاب قرار پائے۔

آزاد امیدوار میاں اوایس 33027 ووٹ کے ساتھ دوسرے نمبر پر رہے۔

سابق وزیر خزانہ اور مسلم لیگ (ن) کے رہنما اسحٰق ڈار نے دعویٰ کیا ہے کہ مسلم لیگ (ن) کے الیکشن سیل میں مرتب کردہ اعداد و شمار کے مطابق (ن) لیگ قومی اسمبلی اور پنجاب اسمبلی میں واحد جماعت بڑی جماعت بن کر ابھری ہے، الحمداللہ’۔

انہوں نے کہا کہ قبل از وقت اور متعصبانہ قیاس آرائیوں سے گریز کیا جانا چاہیے کیونکہ ہم الیکشن کمیشن کے سرکاری مکمل نتائج کا انتظار کر رہے ہیں۔

کراچی کے حلقے این اے 229 ملیر 1 سے پاکستان پیپلزپارٹی کے جام عبدالکریم بجار 55 ہزار 732 ووٹ لے کر کامیاب ہوئے۔

الیکشن کمیشن کی جانب سے جاری غیر حتمی نتیجے کے مطابق مسلم لیگ (ن) کے قادر بخش 21 ہزار 841 ووٹ لے کر دوسرے نمبر پر رہے۔

انتخابات 2024 کے غیر سرکاری و غیر حتمی نتائج آنے کا سلسلہ جاری ہے، لاہور کے حلقہ این اے 120 سے مسلم لیگ (ن) کے رہنما سردار ایاز صادق کامیاب ہوگئے۔

’ڈان نیوز‘ کے مطابق ایاز صادق نے 68 ہزار 143 ووٹ حاصل کیے جبکہ آزاد امیدوار عثمان حمزہ 49 ہزار 22 ووٹ لے سکے۔

انتخابات 2024 کے غیر سرکاری، غیر حتمی نتائج آنے کا سلسلہ جاری ہے جب کہ قومی اسمبلی کے حلقہ این اے 130لاہور سے پاکستان مسلم لیگ (ن) کے قائد نواز شریف 171024ووٹ لے کر کامیاب ہوگئے

ڈان نیوز کے مطابق نواز شریف لاہور کی نشست جیتنے میں کامیاب ہوگئے ہیں، این اے 130 کے غیر سرکاری نتیجے کے مطابق نواز شریف 171024ووٹ لے کر کامیاب ہوئے جب کہ آزاد امیدوار یاسمین راشد115043ووٹ حاصل کرپائیں۔

لاہور کے حلقے این اے 118 سے پاکستان مسلم لیگ (ن) کے رہنما حمزہ شہباز شریف ایک لاکھ 5 ہزار 960 ووٹ لے کر کامیاب ہوئے۔

الیکشن کمیشن کی جانب سے جاری غیر حتمی نتیجے کے مطابق آزاد امیدوار عالیہ حمزہ ایک لاکھ 803 ووٹ لے کر دوسرے نمبر پر رہیں۔

تحریک لبیک پاکستان کے عابد حسین 36 ہزار 269 ووٹ لے کر تیسرے نمبر پر رہے۔

قومی اسمبلی کے حلقہ این اے 123 کے غیر حتمی نتائج کے مطابق پاکستان مسلم لیگ (ن) کے صدر اور سابق وزیر اعظم شہباز شریف کامیاب ہوگئے۔

قومی اسمبلی کے حلقہ این اے 123 کے غیر حتمی اور غیر سرکاری نتیجے کے مطابق شہباز شریف 63 ہزار 953 ووٹ لے کر کامیاب ہوئے جب کہ ان کے مخالف آزاد امیدوار افضال عظیم نے 48 ہزار ووٹ لیے۔

قومی اسمبلی کے حلقہ این اے 23 مردان 3 سے میں تمام 317 پولنگ اسٹیشنز کے غیرسرکاری وحتمی نتیجے کے مطابق آزاد امیدوار علی محمد 102175 ووٹ لے کر کامیاب ہوگئے۔

عوامی نیشنل پارٹی کے احمد خان 33910 ووٹ لے کر دوسرے نمبر پر ہیں۔

این اے 19 صوابی 1 میں تمام 385 پولنگ اسٹیشنز کے غیرسرکاری وحتمی نتیجے کے مطابق آزاد امیدوار اسد قیصر ایک ہزار 15 ہزار 635 ووٹ لے کر کامیاب ہوگئے۔

جمعیت علمائے اسلام (ف) کے فضل علی 45567 دوسرے نمبر پر ہیں۔

الیکشن کمیشن کی ویب سائٹ کے مطابق این اے 10 بونیر میں تمام 397 پولنگ اسٹیشنز کے غیرسرکاری وحتمی نتیجے کے مطابق آزاد امیدوار گوہر علی خان ایک لاکھ 10 ہزار 23 ووٹ لے کر کامیاب ہوگئے۔

عوامی نیشنل پارٹی عبدالرؤف 30302 ووٹ لر کر دوسرے نمبر پر رہے۔

ڈیرہ اسمعٰیل خان میں قومی اسمبلی کے حلقے این اے 44 کے غیرحتمی غیر سرکاری نتائج کے مطابق آزاد امیدوار علی امین گنڈاپور نے جمعیت علمائے اسلام (ف) کے سربراہ مولانا فضل الرحمن کو شکست دے دی۔

ڈان نیوز کے مطابق علی امین گنڈا پور 92 ہزار 612 ووٹ لےکرکامیاب ہوئے جبکہ مدمقابل مولانا فضل الرحمٰن 59 ہزار 364 ووٹ لے کر دوسرے نمبر پر رہے۔

الیکشن کمیشن کی ویب سائٹ کے مطابق این اے 49 اٹک 1 میں تمام 461 پولنگ اسٹیشنز کے غیرسرکاری وحتمی نتیجے کے مطابق مسلم لیگ (ن) کے شیخ آفتاب احمد 119727 ووٹوں کے ساتھ کامیاب ہوگئے۔

آزاد امیدوار طاہرصادق 110230ووٹوں کے ساتھدوسرے نمبر پر ہیں۔

الیکشن کمیشن کی ویب سائٹ کے مطابق قومی اسمبلی کے حلقہ این اے 22 مردان میں تمام 387 پولنگ اسٹیشنز کے غیرسرکاری وحتمی نتیجے کے مطابق آزاد امیدوار محمد عاطف 114748 ووٹ لے کر کامیاب ہوگئے۔

عوامی نیشنل پارٹی کے امیر حیدر اعظم خان کے 66159 ووٹ لے کر دوسرے نمبر پر ہیں۔

مصطفی نواز کھوکھر نے کہا ہے کہ اپنی شکست کو کھلے دل سے تسلیم کرتا ہوں لیکن افسوس ہے کہ آزاد امیدوار علی بخاری کو حلقہ 48 اسلام آباد کی سیٹ ہرا دی گئی ہے۔

سماجی رابطے کی ویب سائٹ ایکس پر جاری بیان میں ان کا کہنا تھا کہ مجھے یہ کہنے میں کوئی عار نہیں کہ میں اپنی شکست کو کھلے دل سے تسلیم کرتا ہوں لیکن یہ دیکھ کر افسوس ہوا کہ آزاد امیدوار علی بخاری کو حلقہ 48 اسلام آباد کی سیٹ ہرا دی گئی ہے جبکہ وہ واضح جیتے ہوئے تھے۔

ان کا مزید کہنا تھا کہ جن موصوف کو نتیجہ بدل کر جتایا گیا ہے وہ دوڑ میں کہیں بھی نہ تھے۔

پاکستان تحریک انصاف (پی ٹی آئی) نے سربراہ مسلم لیگ (ن) نواز شریف کو عام انتخابات میں ’شکست‘ تسلیم کرنے کا مشورہ دے دیا۔

سوشل میڈیا پلیٹ فارم ’ایکس‘ پر پی ٹی آئی کے آفیشل اکاؤنٹ سے بیان جاری کیا گیا کہ ’پاکستانی عوام آپ کو کبھی قبول نہیں کریں گے۔‘

وزارت داخلہ کا کہنا ہے کہ ’عوام اور میڈیا کے متعلقہ ریٹرننگ آفیسرز تک نتائج کی پروسیسنگ میں تاخیر سے متعلق خدشات کا جائزہ لیا گیا ہے، اس کی وجہ رابطہ کی کمی کو قرار دیا گیا ہے جو کہ فول پروف سیکیورٹی کو یقینی بنانے کے لیے اٹھائی گئی احتیاطی تدابیر کا نتیجہ تھی۔‘

وزارت داخلہ کی جانب سے ایکس میں لکھا گیا کہ ’صورتحال اب تسلی بخش ہے اور توقع ہے کہ نتائج کی آمد کا سلسلہ مسلسل جاری رہے گا۔‘

پنجاب اسمبلی کے حلقے پی پی 135ننکانہ صاحب کے137 پولنگ اسٹیشن کا غیر سرکاری غیر حتمی نتائج کے مطابق مسلم لیگ (ن) کے آغا علی حیدر خاں 43 ہزار353 ووٹ لے کر کامیاب ہو گئے۔

ڈان نیوز کے مطابق آزاد امیدوار رانا جمیل حسن 34 ہزار 991 ووٹ لےکر دوسرے نمبر پر رہے۔