دنیا کے 12 حیرت انگیز عالمی ریکارڈز

---

گنیز بک آف ورلڈ ریکارڈ وہ کتاب ہے جس میں ہر سال نت نئے عالمی ریکارڈز سامنے آتے ہیں جن میں سے اکثر ایسے ہوتے ہیں جو چہرے پر مسکراہٹ بکھیر دیتے ہیں۔

اب چاہے وہ دنیا کے سب سے لمبے شخص کا یا سب سے موٹے جڑواں بھائیوں ، ایسا لگتا ہے کہ ہر گزرتے برس میں گنیز بک آف ورلڈ ریکارڈ میں تنوع آتا جارہا ہے۔

اب گینز بک آف ورلڈ ریکارڈ کا 2016 ایڈیشن سامنے آیا ہے جو کہ پہلے سے بڑا اور سب سے بہترین نظر آتا ہے۔

اس کے چیف ایڈیٹر گریک گلینڈی کے مطابق گنیز بک آف ورلڈ ریکارڈ 2016 میں سائنس، کھیل، انٹرٹینمنٹ، جانور، انسانی کامیابیوں اور دیگر کو شامل کیا گیا ہے اور یہ اب تک کہ سب سے نئے اور سب سے حیرت انگیز ریکارڈز ہیں جو سب کو پسند آئیں گے۔

تو ایسے ہی کچھ ریکارڈز کے بارے میں جانے جو ہوسکتا ہے کہ آپ کو حیران یا مسکرانے پر مجبور کردیں۔

سب سے بڑے پیر

فوٹو بشکریہ گنیز بک آف ورلڈ ریکارڈ

وینزویلا کے بیس سالہ جیسن اورلینڈو روڈرگیوز گنیز بک آف ورلڈ ریکارڈ 2016 ایڈیشن میں جگہ بنانے میں کامیاب رہے ہیں اور اس کی وجہ ہے ان کے ایک فٹ 4 انچ لمبے پیر، جنھیں دنیا میں کسی زندہ شخص کے سب سے بڑے پیروں کا ریکارڈ حاصل ہوا ہے۔ جیسن کو اپنے پیروں پر 26 سائز کے جوتے چڑھانا پڑتے ہیں۔

سب سے تیز کچھوا

فوٹو بشکریہ گنیز بک آف ورلڈ ریکارڈ

بچپن میں کچھوے اور خرگوش کی کہانی تو آپ نے سنی ہی ہوگی جس میں سست رفتار کچھوا تیز رفتار خرگوش کو شکست دے دیتا ہے۔ تو ایسے ہی کچھوے برٹی کے بارے میں جانے جس نے دنیا کے سب سے تیز کچھوے کا ریکارڈ اپنے نام کرلیا ہے۔ برطانیہ میں موجود اس کھچوے نے فی سیکنڈ 0.92 فٹ کی رفتار کے ساتھ دوڑ کر یہ اعزاز اپنے نام کیا۔

سب سے زیادہ دانت

فوٹو بشکریہ گنیز بک آف ورلڈ ریکارڈ

ہندوستان کے شہر بنگلور کے رہائشی 27 سالہ وجے کمار کے منہ میں 32 کی جگہ 37 دانت ہیں اور اس طرح انہیں کسی منہ میں سب سے زیادہ دانتوں کا گنیز بک آف ورلڈ ریکارڈ مل گیا ہے کیونکہ یہ تعداد بیشتر افراد کے منہ میں پائے جانے والے 32 دانتوں سے 5 زیادہ ہے۔

ہاٹ ڈاگ کا سب سے بڑا ٹھیلا

فوٹو بشکریہ گنیز بک آف ورلڈ ریکارڈ

امریکی ریاست مسوری کے مارکوس " ہاٹ ڈاگ مین" نے دنیا کا سب سے بڑا ہاٹ ڈاگ ٹھیلا تیار کیا ہے اور آپ خود دیکھ سکتے ہیں کہ یہ کتنا بڑا ہے۔

سب سے طویل قامت جوڑا

فوٹو بشکریہ گنیز بک آف ورلڈ ریکارڈ

چین کے 33 سالہ منگ منگ اور ان کی اہلیہ 29 سالہ ژو یان کے حصے میں دنیا کے سب سے لمبے شادی شدہ جوڑے کا عالمی ریکارڈ آیا ہے۔ منگ منگ کا قد 7 فٹ 9 انچ جبکہ ان کی بیوی کا قد 6 فٹ 2 انچ ہے۔

سب سے بڑا بال پوائنٹ

فوٹو بشکریہ گنیز بک آف ورلڈ ریکارڈ

ہندوستان کے علاقے نظام آباد سے تعلق رکھنے والے 56 سالہ اچاریہ مکیونری سری نواس نے دنیا کا سب سے بڑا بال پوائنٹ پین تیار کیا ہے جس کی لمبائی 18 فٹ ہے اور اسے اٹھانے کے لیے ہی کم از کم چار افراد کی ضرورت ہوتی ہے۔

سب سے بڑی فر(سمور)

فوٹو بشکریہ گنیز بک آف ورلڈ ریکارڈ

سب سے بڑی فر یا سمور کا عالمی ریکارڈ کیلیفورنیا میں رہنے والے دو سالہ خرگوش انگورا کے نام رہا ہے اور بظاہر تو یہ خرگوش نظر آنے کی بجائے روئی کا ڈھیر لگتا ہے۔

بی ایم ایکس سائیکل 360 ڈگری میں گھمانے کا ریکارڈ

فوٹو بشکریہ گنیز بک آف ورلڈ ریکارڈ

ٹوکیو کے ٹاکیرو اکیڈا نے ایک منٹ میں بی ایم ایکس سائیکل کو ایک منٹ میں 360 ڈگری پر سب سے زیادہ تعداد یعنی 83 بار گھما کر گینز بک آف ورلڈ ریکارڈ کے نئے ایڈیشن میں جگہ بنائی۔

ایک کتے کا ایک منٹ میں پنجوں سے گیند پکڑنے کا ریکارڈ

فوٹو بشکریہ گنیز بک آف ورلڈ ریکارڈ

نو سالہ پیورین نے ٹوکیو میں ایک منٹ کے دوران 14 بار گیند پکڑ کر یہ دلچسپ ریکارڈ اپنے نام کیا۔

کسی زندہ جانور کے سب سے زیادہ پھیلے ہوئے سینگ

فوٹو بشکریہ گنیز بک آف ورلڈ ریکارڈ

بگ ریڈ 907 نامی ٹیکساس کے اس بیل نے یہ عالمی ریکارڈ اپنے نام کیا ہے جس کو آپ خود بھی دیکھ سکتے ہیں کہ یہ سینگ کیسے پھیلے ہوئے ہیں۔

ہاتھوں اور پیروں کی سب سے زیادہ انگلیاں

فوٹو بشکریہ گنیز بک آف ورلڈ ریکارڈ

ہندوستانی ریاست گجرات کے 28 سالہ دیوینڈر شتر کے ہاتھوں اور پیروں میں چودہ، 14 انگلیاں ہیں جو کہ کسی کام کے دوران مشکل کا باعث تو نہیں ہوتیں مگر انہیں کچھ کاٹتے ہوئے کافی احتیاط کرنا پڑتی ہے۔

سب سے بڑے ناخن

فوٹو بشکریہ گنیز بک آف ورلڈ ریکارڈ

مہاراشٹر کے اس 62 سالہ رہائشی شردر چلال نے 1952 کے بعد سے اپنے ناخنوں کو کاٹا ہی نہیں اور اب ان کی مجموعی لمبائی 909.6 سینٹی میٹر ہوچکی ہے ، تاہم سب سے لمبا ناخن 186.6 سینٹی میٹر لمبا ہے جو کہ لگ بھگ ان کی اپنی جسمانی لمبائی جتنا ہی ہے۔