جگمگاتی جلد اور چمکدار بالوں کے لیے بہترین ٹوٹکے

جگمگاتی جلد اور چمکدار بالوں کے لیے بہترین ٹوٹکے



اگر تو آپ اپنی جلد اور چہرے کو پرکشش بنانا چاہتے ہیں تو اب مہنگے فیشلز اور مصنوعات پر پیسے ضائع کرنا چھوڑ دیں۔

درحقیقت جگمگاتی جلد اور چمکدار بالوں کے کچھ بہترین نسخے تو آپ کے اپنے کچن میں چھپے ہیں جو درج ذیل ہیں۔

لیموں

شٹر اسٹاک فوٹو
شٹر اسٹاک فوٹو

لیموں ایسی چیز ہے جو آپ کے تصورات سے زیادہ کارآمد ثابت ہوسکتی ہے۔ لیموں کی مدد سے آپ چہرے پر عمر بڑھنے کے اثرات یا چھائیوں کو موثر طریقے سے غیرنمایاں کرسکتے ہیں۔ بس ان حصوں پر براہ راست لیموں کا عرق لگائیں اور پندرہ منٹ تک لگا رہنے دیں اور پھر دھولیں۔اگر مینی کیور کا وقت نہیں تو تو آدھا لیموں لیں اور اس کا عرق گرم پانی میں ملا کر اپنے ناخن اس میں پانچ منٹ تک ڈوبے رہنے دیں۔ باہر نکالنے کے بعد لیموں کے چھلکوں سے ناخنوں کی پشت اور اگلے حصے کو رگڑ لیں۔

مزید پڑھیں : 10 غذائیں جو آپ کو ہر عمر میں جوان رکھیں

زیتون کا تیل

شٹر اسٹاک فوٹو
شٹر اسٹاک فوٹو

اگر تو آپ کے بال روکھے اور خشک ہے تو ان میں چمک واپس لانے کے لیے ایک چھوٹے باﺅل میں چھ چم زیتون کے تیل کو ڈال کر مائیکروویو پر گرم کرلیں، اسی دوران تولیے کو بھی کسی چیز سے گرم کرلیں۔ اس کے بعد تیل کو اپنے بالوں پر انگلیوں کی مدد سے لگائیں اور مالش کریں۔ گرم تولیے کو سر پر آدھے گھنٹے تک کے لیے لپیٹ لیں اور پھر شیمپو سے دھویں۔

کیلا

شٹر اسٹاک فوٹو
شٹر اسٹاک فوٹو

کیلوں سے آپ قدرتی اور نمی سے بھرپور فیس ماسک تیار کرسکتے ہیں اور اس پر کوئی خاص خرچہ بھی نہیں آتا۔ بس چوتھائی کپ دہی، دو چائے کے چمچ شہد اور ایک درمیانے سائز کے کیلے کو مکس کرلیں، اسے دس سے بیس منٹ تک جلد پر لگائیں اور پھر ٹھنڈے پانی سے دھولیں۔

شہد

شٹر اسٹاک فوٹو
شٹر اسٹاک فوٹو

کیا کیل مہاسوں کا سامنا ہے تو خام شہد کو اس پر لگا کر دس سے پندرہ منٹ تک کے لیے چھوڑ دیں اور پھر دھولیں۔ شہد میں موجود جراثیم کش خوبیاں کیل مہاسوں کا باعث بننے والے بیکٹریا کا خاتمہ کردیں گی۔ اسی طرح شہد زبردست ہیئر کنڈیشنر بھی ثابت ہوسکتا ہے اور روکھے بالوں میں نئی جان ڈال سکتا ہے۔ ایک چائے کا چمچ شہد اور دو چائے کے چمچ زیتون کے تیل مکس کریں اور پھر اپنے بالوں پر لگا کر بیس سے تیس منٹ بعد دھولیں۔

یہ بھی پڑھیں : وہ غذائیں جو آپ کو جلد بوڑھا کردیں

ہلدی

شٹر اسٹاک فوٹو
شٹر اسٹاک فوٹو

گھروں میں عام استعمال ہونے والا یہ مصالحہ صدیوں سے خوبصورتی بڑھانے کے لیے بھی استعمال ہورہا ہے، یہ فنگل انفیکشن جیسےبالوں کی خشکی کے لیے بھی فائدہ مند ثابت ہوتا ہے۔ ایک چائے کا چمچ اعلیٰ معیار کی تازہ ہلدی کو ایک چائے کے چمچ ناریل کے تیل میں اور لمیوں کے عرق میں ملائیں۔ اس محلول کو ایک ہفتے تک روزانہ ایک گھنٹے کے لیے متاثرہ جگہ پر لگائیں۔

پانی کا زیادہ استعمال

شٹر اسٹاک فوٹو
شٹر اسٹاک فوٹو

جی ہاں روزانہ بہت زیادہ پانی پینا شروع کردیں، مگر اس کا مطلب یہ نہیں کہ کئی گیلن بلکہ کم از کم آٹھ گلاس پانی پینا معمول بنالیں۔ یہ چیز نہ صرف آنکھوں کے گرد سیاہ حلقوں کو ختم کرنے کے لیے فائدہ مند ثابت ہوگی بلکہ یہ آپ کی جلد کی بہتر صحت اور ڈی ہائیڈریشن کو دور کرنے کا بھی سپرفارمولا ہے۔ خالص پانی قدرت کا جھریاں دور کرنے والا ٹونک ہے، تو آپ اسے اپنے غذائی پلان سے خارج کیوں کرتے ہیں؟

نوٹ: یہ مضمون عام معلومات کے لیے ہے۔ قارئین اس حوالے سے اپنے معالج سے بھی ضرور مشورہ لیں۔