آرمی چیف دو سال کیلئے ملک کی باگ ڈور سنبھال لیں، الطاف حسین
کراچی: متحدہ قومی موومنٹ کے قائد الطاف حسین نے بدھ کے روز فوجی عدالتوں کے قیام کی مخالفت کرتے ہوئے کہا کہ چیف آف آرمی اسٹاف جنرل راحیل شریف دو سالوں کے لیے ملک کی باگ ڈور سنبھال لیں۔
ڈان نیوز کے مطابق انہوں نے کہا کہ اگر غیر جمہوری راستہ اختیار کرنا ہی ہے تو مارشل لاء ہی لگادیا جائے۔
کراچی میں نائن زیرو پر ہنگامی پریس کانفرنس سے ٹیلی فونک خطاب کرتے ہوئے الطاف حسین کا کہنا تھا کہ ترکی، فرانس اور امریکا کے انقلاب کے پیچھے بھی فوجی ہی تھے۔
انہوں نے کہا کہ جب تک قوم ساتھ نہ دے، فوج اکیلے کچھ نہیں کرسکتی۔
خیال رہے کہ اسلام آباد میں جاری پارلیمانی پارٹیوں کے سربراہوں کے اجلاس میں بھی ایم کیو ایم نے فوجی عدالتوں کی مخالفت کی ہے۔
لائیو ٹی وی