• KHI: Zuhr 12:38pm Asr 5:20pm
  • LHR: Zuhr 12:08pm Asr 5:03pm
  • ISB: Zuhr 12:14pm Asr 5:12pm
  • KHI: Zuhr 12:38pm Asr 5:20pm
  • LHR: Zuhr 12:08pm Asr 5:03pm
  • ISB: Zuhr 12:14pm Asr 5:12pm

بچوں کے رونے کی وجہ بتانے والی اپلیکیشن تیار

شائع January 2, 2016
— فائل فوٹو/ اے پی
— فائل فوٹو/ اے پی

اگر آپ شیر خوار بچوں کے والدین ہیں اور بچے کے رونے سے پریشان ہیں تو اب پریشان ہونا چھوڑ دیجیے، کیونکہ ماہرین ایک ایسی موبائل ایپلیکیشن بنانے میں کامیاب ہوگئے ہیں جس کے ذریعے آپ ننھے بچے کے رونے کی وجہ معلوم کرسکتے ہیں۔

نیشنل تائیوان یونیورسٹی ہسپتال میں ’دی انفینٹ کرائز ٹرانسلیٹر‘ کے نام سے تیار کی گئی یہ اسمارٹ فون ایپلیکیشن بچوں کی رونے کی چار مختلف آوازوں کو ریکارڈ کرکے ان میں فرق کرسکتی ہے اور پھر ان کا بڑے ڈیٹا بیس سے موازنہ کرتی ہے۔

اس ایپلیکیشن کی تیاری کے لیے محققین نے 100 نومولود بچوں کی رونے کی 2 لاکھ آوازوں کو ریکارڈ کیا۔

اپیلیکیشن کا استعمال اس طرح کیا جاسکتا ہے کہ جب بچہ روئے تو ایپ استعمال کرنے والا 10 سیکنڈز تک ریکارڈ کا بٹن دبائے رکھے، جس سے بچے کی آواز ’کلاؤڈ ڈرائیو‘ میں اپ لوڈ ہوجاتی ہے۔

آواز اپ لوڈ ہونے کے بعد ایپ 15 سیکنڈز میں آواز کا تجزیہ کرکے استعمال کرنے والے کے موبائل پر نتیجہ دکھا دیتی ہے کہ بچہ کیوں رو رہا ہے۔

تحقیق کے سربراہ کا کہنا تھا کہ یہ موبائل ایپ بچوں کی بھوک، ڈائیپر گیلا ہوجانے، نیند اور تکلیف کے وقت میں رونے والی آوازوں کا تجزیہ کرتی ہے، جبکہ ایپلیکیشن استعمال کرنے والوں کی رائے اس حوالے سے بہت مثبت ہے۔

محققین کا کہنا ہے کہ یہ موبائل اپلیکیشن 6 ماہ سے کم عمر کے بچوں پر آزمانے کے زیادہ کارآمد ہے۔


آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں.

تبصرے (1) بند ہیں

saeed Jan 02, 2016 09:01pm
app ka naam ya link dejiey plz

کارٹون

کارٹون : 14 جولائی 2024
کارٹون : 11 جولائی 2024