صوبہ پنجاب کے دارالحکومت لاہور میں درخت کاٹنے کے تنازع پر گھر کے واحد کفیل اکرام پر ان کے چچا زاد بھائیوں نے تشدد کیا جس کے نتیجے میں نوجوان کی آنکھیں ضائع ہوگئیں۔
متاثرہ شخص نے اہل خانہ کے ہمراہ انصاف کے حصول کے لیے لاہور کی سیشن عدالت سے رابطہ کرلیا۔
مزید پڑھیں: معمولی تنازع پر نوجوان کی آنکھیں نکال دی گئیں
لاہور کی مقامی عدالت میں دائر کی گئی درخواست میں اکرام نے الزام لگایا گیا کہ اس کے چچا زاد بھائیوں شوکت علی، غلام مصطفی سمیت دیگر نے درخت کاٹنے پر چھریوں کے وار سے مبینہ طور پر اس کی دونوں آنکھیں ضائع کر دیں۔
درخواست گزار نے عدالت کو بتایا کہ ملزمان کے خلاف تھانہ سندر میں مقدمہ درج کروایا گیا ہے، جس میں بااثر ملزمان نے عبوری ضماتین حاصل کررکھی ہیں۔
یہ بھی پڑھیں: کوہستان میں زمین کے تنازع پر ایک ہی خاندان کے 4افراد قتل
درخواست گزار نے عدالت سے استدعا کی کہ عدالت ملزمان کی ضمانتیں خارج کرنے کا حکم دے۔
متاثرہ شخص کی درخواست پر ایڈیشنل سیشن جج نے تھانہ سندر پولیس سے تفصیلی رپورٹ طلب کرلی۔
تبصرے (0) بند ہیں