• KHI: Fajr 4:15am Sunrise 5:44am
  • LHR: Fajr 3:19am Sunrise 4:59am
  • ISB: Fajr 3:14am Sunrise 4:58am
  • KHI: Fajr 4:15am Sunrise 5:44am
  • LHR: Fajr 3:19am Sunrise 4:59am
  • ISB: Fajr 3:14am Sunrise 4:58am
— شٹر اسٹاک فوٹو
— شٹر اسٹاک فوٹو
شائع January 15, 2019 اپ ڈیٹ July 10, 2021

ویسے تو دیکھا جائے تو انٹرنیٹ کی دنیا گوگل کے بغیر ویران ہے۔

خودکار گاڑیوں سے لے کر ورچوئل رئیلٹی ہیڈسیٹ اور اسمارٹ کانٹیکٹ لینسز تک گوگل کے متعدد پراجیکٹس ہیں مگر اس کی اصل پہچان سرچ انجن ہی ہے۔

اور سب ہی گوگل پر روزانہ کچھ نہ کچھ سرچ کرتے ہیں، تاہم کچھ چیزیں ایسی ہوتی ہیں جنہیں گوگل کرنے سے گریز کرنا چاہئے۔

مزید پڑھیں : وہ سب کچھ جو گوگل آپ کے بارے میں جانتا ہے

ایسی چیزیں جن کے اشتہار بعد میں دیکھنا پسند نہ کریں

شٹر اسٹاک فوٹو
شٹر اسٹاک فوٹو

ہوسکتا ہے کہ آپ گوگل پر کسی وجہ سے ڈائپر ریش کے علاج کو تلاش کرنے کی کوشش کریں اور اگر ایسا ہی کچھ کرتے ہیں تو پھر آپ کو متعدد اشتہارات کے لیے تیار رہنا چاہئے۔ ہر بار جب بھی آپ کوئی ویب پیج اوپن کریں گے تو ہوسکتا ہے کہ آپ کی مطلوبہ سرچ سے متعلق اشتہار آپ کے سامنے آجائے۔

کسی قسم کے جرائم سے متعلق

شٹر اسٹاک فوٹو
شٹر اسٹاک فوٹو

یہ کافی سنگین بھی ہوسکتا ہے، جیسے آپ گوگل پر سرچ کریں کہ کوئی ہتھیار کیسے بنایا جاتا ہے وغیرہ، چاہے ایسا تفریح کے لیے ہی کیوں نہ کیا گیا ہو، مگر مختلف ممالک میں سیکیورٹی ادارے اس طرح کی سرچز کو ہمیشہ ٹریک کرتے ہیں، اور آپ کا آئی پی ایڈریس ان کے ڈیٹابیس میں جاسکتا ہے۔

اپنے مرض کی علامات

شٹر اسٹاک فوٹو
شٹر اسٹاک فوٹو

پہلی بات تو یہ ہے کہ جب طبی مسائل کا سامنا ہو تو اس کے لیے متعدد ویب سائٹس ایسی موجود ہیں، جہاں اس حوالے سے بہترین مواد دستیاب ہوتا ہے، مگر اپنے مرض کی علامات کو انٹرنیٹ پر سرچ کرنا ذہنی طور پر دھچکا پہنچا سکتا ہے، بلکہ بدترین اور بے چینی کا شکار کرسکتا ہے، تو اگر کوئی طبی مسئلہ ہو تو ڈاکٹر گوگل سے رجوع نہ کریں بلکہ کسی ڈاکٹر کے پاس چلے جائیں۔

جلد کے مسائل

شٹر اسٹاک فوٹو
شٹر اسٹاک فوٹو

اگر چہرے پر کوئی دانہ یا دھبہ ہو تو گوگل نہ کریں۔ ایسا کرنے پر آپ کے سامنے اتنی زیادہ معلومات اور تصاویر آجائیں گی جو کہ ہلا کر رکھ دیں گی۔ ویسے تو عام طور پر دانے کچھ دن میں خود ٹھیک ہوسکتے ہیں، تاہم پھر بھی پریشانی ہے تو کسی ڈاکٹر سے رجوع کریں۔

ٹرانسلیشن

شٹر اسٹاک فوٹو
شٹر اسٹاک فوٹو

کتنی بار آپ کو انگلش کے اردو ترجمے کے لیے گوگل سے رجوع کرنا پڑا؟ ایسا کرنے کی کوشش کرنی بھی نہیں چاہئے کیونکہ گوگل سے جو ترجمہ آپ کے سامنے آئے گا وہ شرمندگی کا باعث بن سکتا ہے بلکہ ہوسکتا ہے کہ جملے کا مطلب کچھ سے کچھ ہوجائے۔

کھٹمل

شٹر اسٹاک فوٹو
شٹر اسٹاک فوٹو

یہ ننھے کیڑے یقیناً رات کی نیند خراب کرسکتے ہیں، تاہم اگر آپ ویسے ہی اس بارے میں معلومات حاصل کرنے کی کوشش کررہے ہیں یا دیکھنا چاہتے ہیں کہ یہ کیڑے کیسے پھیلتے ہیں تو ایسا نہ کریں کیونکہ ان کی تصاویر نیند اڑا دیں گی۔

تمباکو نوش افراد کے پھیپھڑے

شٹر اسٹاک فوٹو
شٹر اسٹاک فوٹو

ہم میں سے بیشتر افراد تمباکو نوشی کے عادی ہیں اور ہوسکتا ہے کہ اکثر وہ اس عادت کے مضر اثرات کے بارے میں سوچتے بھی ہوں، انٹرنیٹ تمباکو نوشی کے عادی افراد کے بیمار پھیپھڑوں کی تصاویر سے بھرا ہوا ہے، جو کہ ہوسکتا ہے کہ آپ کو بہت زیادہ پریشان کردیں۔

یہ بھی پڑھیں : گوگل سرچ میں چھپی یہ خفیہ ٹرکس جانتے ہیں؟

اپنا نام

اسکرین شاٹ
اسکرین شاٹ

یہ کوئی راز نہیں کہ انٹرنیٹ کے اس عہد میں پرائیویسی نام کی کوئی چیز باقی نہیں رہ گئی، اگر آپ اپنے نام کو گوگل کریں گے تو بہت زیادہ امکان ہے کہ کچھ ناخوشگوار نتائج کا سامنا ہوجائے، آپ کی چند بری تصاویر، ماضی کی معلومات، غیر مناسب مواد وغیرہ، چونکہ وہ مواد یا تصاویر ڈیلیٹ کرنا آپ کے لیے ممکن نہیں تو اپنے نام سے سرچ کرنے سے بھی گریز کرنا چاہئے۔

ایسا کچھ جو آپ کو شرمندہ کردے

شٹر اسٹاک فوٹو
شٹر اسٹاک فوٹو

گوگل پر لوگ بہت کچھ سرچ کرتے ہیں جن میں ایسا مواد بھی ہوسکتا ہے جو دوسروں کے سامنے آپ کو شرمندہ کردے، اس سے ہٹ کر بھی آپ ایسے اشتہارات اپنی کمپیوٹر اسکرین پر اچانک نمودار ہوتے دیکھنا پسند نہیں کریں گے جو کہ آپ کی شرمندہ کردینے والی سرچز کے نتیجے میں سامنے آتے ہیں۔

کیڑے

شٹر اسٹاک فوٹو
شٹر اسٹاک فوٹو

اگر تو آپ کو کیڑوں سے متعلق کچھ سرچ کرنا ہی ہے تو مخصوص سرچ اصطلاحات استعمال کریں، ورنہ ایسی تصاویر سامنے آجائیں گی جو ریڑھ کی ہڈی میں سنساہٹ دوڑا سکتی ہیں، جبکہ ذہنی صحت بھی ان تصاویر اور معلومات سے متاثر ہوسکتی ہے تو اس قسم کی سرچ سے مکمل گریز کریں۔

مصنوعات محفوظ ہیں یا نہیں

شٹر اسٹاک فوٹو
شٹر اسٹاک فوٹو

انٹرنیٹ پر ہر شخص کی اپنی رائے ہوتی ہے اور متعدد افراد خود کو ہر فن مولا قرار دیتے ہیں، تو ایسے حالات میں اگر آپ جاننا چاہتے ہیں کہ کوئی مخصوص چیز آپ کی جلد ، ہاضمے یا کسی بھی معاملے کے بہتر ہے یا نہیں تو آپ گوگل پر کچھ فورمز پر اس کا جواب ہاں ملے گا تو دیگر میں نہیں۔ تو اس معاملے میں کسی ماہر سے مشورہ کرلینا زیادہ بہتر ہے۔

تبصرے (5) بند ہیں

02352734636 Jul 14, 2018 09:34am
آپ کی رائے har baat say to ap ne mana kar diya he ab Google ko daleet hi kar dain
zafar Jan 16, 2019 01:56am
100% right
مظہرحسین ہاشمی Jan 16, 2019 10:01am
السلام علیکم ۔۔ ممکن ہے جو آپ نے بیان کیا ہے ایسا ہی ہو۔ جہاں تک گوگل ترجمہ کی بات ہے تومَیں گوگل ٹرانسلیٹنگ کمیونیٹی سے تعلق رکھتاہوں اور انگلش سے اردومیں گوگل کیلئے ترجمہ کرتاہوں۔ تین ہزارکے قریب ٹرانسلیٹرز ہیں جو مختلف زبانوں کے ترجمے کررہے ہیں جن میں سے صرف 249 لوگوں کے ترجمے مُستند ہیں۔ جس میں ناچیز بھی شامل ہے اور سب سے زیادہ ترجمے کا شئیر(%5) گوگل پر مجھ ناچیز کا ہے۔ہرممکن کوشش ہے جوترجمہ کیاجائے وہ ٹھیک اورمُستندہو۔
Shees ahmed Jan 16, 2019 02:26pm
Bht e acha hume health issues par google k bajae docters ko prefer kerna chae.
Shees ahmed Jan 16, 2019 02:28pm
Bht e acha hume health issues par google k bajae docters ko prefer krna chae.