مستونگ واقعہ: مسلم لیگ (ن) کا قومی سوگ پر سیاسی سرگرمیاں معطل کرنے کا اعلان
پاکستان مسلم لیگ (ن) کے صدر شہباز شریف نے سانحہ مستونگ کے سلسلے میں قومی سوگ پر اپنی سیاسی سرگرمیوں کو معطل کرنے کا اعلان کردیا۔
سماجی رابطے کی ویب سائٹ ٹوئٹر اپنے ایک پیغام میں شہباز شریف کا کہنا تھا کہ انتخابات سے 10 روز قبل سیاسی جلسوں پر حملے تشویشناک ہیں۔
پاکستان مسلم لیگ (ن) نے مستونگ سانحے پر قومی یوم سوگ کے موقع پر اپنی سیاسی سرگرمیوں کو معطل کر دیا ہے- انتخابات سے دس دن قبل سیاسی جلسوں پر حملے تشویشناک ہیں, صدر پاکستان مسلم لیگ (ن) محمد شہباز شریف
— President PMLN (@president_pmln) July 15, 2018
ان کا مزید کہنا تھا کہ الیکشن کمیشن آف پاکستان (ای سی پی)، نگران حکومت اور قانون نافذ کرنے والے اداروں کی ذمہ داری ہے کہ وہ امیدواروں اور سیاسی جماعتوں کو فول پروف سیکیورٹی فراہم کریں۔
سابق وزیراعلیٰ پنجاب کا یہ بھی کہنا تھا کہ پاکستان کا مستقبل صاف و شفاف اور پُرامن انتخابات سے منسلک ہے۔
یہ الیکشن کمیشن آف پاکستان، نگران حکومت اور قانون نافذ کرنے والے اداروں کی ذمہ داری ہے کہ وہ امیدواروں اور سیاسی جماعتوں کو فول پروف سیکیورٹی فراہم کریں- پاکستان کا مستقبل صاف و شفاف اور پُرامن انتخابات سے منسلک ہے, صدر پاکستان مسلم لیگ (ن) محمد شہباز شریف
— President PMLN (@president_pmln) July 15, 2018
لائیو ٹی وی