سندھ ہائی کورٹ بار ایسوسی ایشن کی جبران ناصر کے ’اغوا‘ کی مذمت
سندھ ہائی کورٹ بار ایسوسی ایشن (ایس ایچ سی بی اے) نے وکیل اور سماجی کارکن جبران ناصر کے مبینہ ’اغوا‘ کی شدید مذمت کی ہے، جنہیں گزشتہ رات نامعلوم افراد نے اٹھا لیا تھا۔
ایسوسی ایشن نے پریس ریلیز میں بتایا کہ مذکورہ عمل قانون کی حکمرانی کی آزادی کو نقصان پہنچانے اور قانونی برادری کو خوفزدہ کرنے کے لیے شمار کیا جاتا ہے۔
ایس ایچ سی بی اے نے پولیس اور متعلقہ حکام سے مطالبہ کیا کہ وہ معاملے کی تحقیقات کرکے مجرموں کو گرفتار کریں اور جبران ناصر کو جلد از جلد بازیاب کرائیں۔
مزید بتایا گیا کہ اگر اس میں ناکامی ہوئی تو بار ایسوسی ایشن آئندہ کے لائحہ عمل کا فیصلہ کرے گی۔
لائیو ٹی وی