ورلڈ کپ 2023 کے اہم میچ میں پاکستان نے عبداللہ شفیق اور محمد رضوان کی شاندار سنچریوں کی بدولت سری لنکا کے خلاف 345 رنز کے ریکارڈ ہدف کا کامیابی سے تعاقب کرتے ہوئے 6 وکٹوں سے فتح حاصل کر لی جو عالمی کپ میں قومی ٹیم کی لگاتار دوسری کامیابی ہے۔

پاکستان اور سری لنکا کے درمیان میگا ایونٹ کا 8واں میچ حیدر آباد دکن کے راجیو گاندھی اسٹیڈیم میں کھیلا گیا جہاں سری لنکا نے ٹاس جیت کر پہلے بیٹنگ کی اور مقررہ 50 اوورز میں 9 وکٹوں پر 344 رنز بنائے جبکہ پاکستان نے مطلوبہ ہدف 10 گیندیں قبل 4 وکٹیں کھو کر حاصل کرلیا۔