نیشنل ہائی وے اتھارٹی نے ایم ٹیگ پر مکمل عملدرآمد کا آغاز کر دیا
نیشنل ہائی وے اتھارٹی (این ایچ اے) نے ایم ٹیگ پر مکمل عملدرآمد کا آغاز کر دیا۔
ڈان نیوز کے مطابق جاری نوٹی فکیشن میں بتایا گیا ہے کہ یکم فروری سے ایم ٹیگ پر عملدرآمد نہ کرنے والی گاڑیوں کو 25 فیصد اضافی ٹال ٹیکس ادا کرنا ہو گا۔
نوٹی فکیشن پر عملدرآمد نہ کرنے والی گاڑیوں پر ٹول پلازوں پر 50 روپے سے زائد ٹیکس پر 25 فیصد اضافی ٹیکس عائد کیا جائے گا۔
نوٹی فکیشن میں کہا گیا ہے کہ نیشنل ہائی وے اتھارٹی نے ملک کی تمام شاہراہوں پر 100 فیصد ایک ٹیگ پر عملدرآمد کا آغاز کر دیا ہے۔
واضح رہے کہ 4 فروری 2024 کو نیشنل ہائی وے اتھارٹی اور موٹروے پولیس نے موٹرویز پر تمام گاڑیوں کے لیے ایم ٹیگ رجسٹریشن لازمی قرار دے دی تھی۔
موٹروے پولیس کے بیان کے حوالے سے بتایا گیا تھا کہ موٹرویز کے داخلی و خارجی راستوں پر صارفین کو سہولت دینے اور ٹریفک کی سہل روانی کو یقینی بنانے کے لیے ایم ٹیگ کو لازمی قرار دے دیا گیا۔
لائیو ٹی وی