ڈیرہ بگٹی: ڈان نیوز ٹی وی کی رپورٹ کے مطابق سوئی روڑ پر نامعلوم افراد نے بارودی سرنگ بچھا رکھی تھی، جس کی زد میں موٹر سائیکل پر سوار دو افراد اس کی زد میں آگئے۔

بارودی سرنگ کے دھماکے سے موٹر سائیکل سوار موقع پر جاں بحق جبکہ اس کا ساتھی شدید زخمی ہے۔

لیویز ذرائع کے مطابق زخمی اور لاش کو ڈسٹرکٹ اسپتال سوئی پہنچا دیا گیا ہے۔

لیویز اہلکاروں نے دھماکے کی جگہ کو گھیرے میں لے کر تفتیش شروع کردی ہے۔