ہاکی ورلڈ کپ: جرمنی، ہالینڈ کا کامیاب آغاز
نیدرلینڈ میں جاری عالمی ہاکی کپ کے دوسرے دن جرمنی اورہالینڈ نے اپنے اپنے میچز جیت لئےہیں۔
ڈان نیوز کے مطابق عالمی ہاکی کپ کے گروپ بی کے میچ میں میزبان ہالینڈ نے ارجنٹینا کوایک کے مقابلے میں تین گول سے زیر کرکے اپنے کامیاب سفر کاآغاز کردیا۔
دونوں ٹیموں کے درمیان کھیلا گیا میچ پہلے ہالف کے اختتام پرایک ایک گول سے برابر رہا۔
دوسرے ہالف میں ڈچ کھلاڑیوں نے جارحانہ کھیل پیش کیااور مزید دوگول داغ دیئے جبکہ ارجنٹائن کے کھلاڑی دوسرے ہالف میں کوئی گول اسکور نہ کرسکے۔
اس سے قبل گروپ بی کے ایک اورمیچ میں جرمنی نے جنوبی افریقہ کو آؤٹ کلاس کرتے ہوئے چار صفر سے مات دی۔
خواتین کے مقابلوں میں امریکا نے انگلینڈ کودو ایک سے زیر کیا جبکہ جرمنی اورچین کا میچ ایک ایک گول سے برابررہا۔
لائیو ٹی وی