پاک فضائیہ کا پائلٹ سوشل میڈیا پر چھاگیا
پاک فضائیہ کے ایک پائلٹ نے پیر کو اس وقت سوشل میڈیا کی دھڑکنیں تیز کردیں جب پیرس ایئر شو میں اس کی تصاویر نے دیکھنے والوں کو 'ٹاپ گن' اسٹار ٹام کروز کی یاد دلادی
اسکواڈرن لیڈر یاسر مدثر سوشل میڈیا کی ویب سائٹ ٹوئٹر پر راتوں رات مقبول ہوگئے جب وہ پیرس ائیرشو کے دوران ایک سفارت کار کو پاکستانی ساختہ نیا جے ایف 17 لڑاکا طیارہ دکھا رہے تھے۔
اے ایف پی سے بات کرتے ہوئے یاسر کا کہنا تھا کہ بڑی حیرت کی بات ہے کہ روزانہ ٹریننگ دینے کے دوران آپ کو اس قسم کی توجہ ملے۔
یاسر نے اس لڑاکا طیارے کو تقریباً 600 بار اڑایا ہے، یہ پاکستان کا پہلا لڑاکا طیارہ ہے جو چین کی مدد سے بنایا گیا ہے۔
یاسر کا کہنا تھا کہ اس تیارے کو اڑانے کا تجربہ بہت زیادہ پرلطف ہے اور یہ کمال کا طیارہ ہے۔
لیکن ان کے ساتھی، ونگ کمانڈر عثمان علی نے شو کے پہلے دن بڑے ہجوم کے سامنے فائٹر طیارے کی نمائش کی تھی۔
علی کا کہنا تھا کہ یہ بڑی فخر کی بات ہے کہ پاکستان کا پہلا طیارہ ہم پوری دنیا کے سامنے لا رہے ہیں اور اس کو پیرس میں اڑانے کی بے انتہا خوشی ہے۔
لائیو ٹی وی
تبصرے (1) بند ہیں