مردان: نہر میں بس گرنے سے 5 مسافر ہلاک
پشاور: خیبر پختونخوا کے ضلع مردان کی تحصیل کٹلانگ کے علاقے میں ایک مسافر بس نہر میں جاگری جس کے نتیجے میں 5 افراد ہلاک جبکہ 15 زخمی ہوگئے۔
ذرائع کے مطابق جمعرات کو کٹلانگ شہر کی جانب جانے والی ایک بس زیر تعمیر پل سے نیچے نہر میں جا گری، جس کے نتیجے میں 5 افراد ہلاک ہوگئے جن میں 2 خواتین اور ایک بچہ بھی شامل ہے۔
ذرائع کا کہنا ہے کہ بس میں سوار مسافروں کا تعلق دیہی علاقوں سے ہے.
ذرائع کا کہنا ہے کہ حادثہ دور دراز علاقے میں پیش آیا جس کی وجہ سے مقامی افراد نے اپنی مدد آپ کے تحت ریسکیو سرگرمیوں کا آغاز کیا اور لاشوں اور زخمیوں کو نکال کر طبی امداد کے لیے مقامی ہسپتال منتقل کیا گیا.
لائیو ٹی وی