کراچی میں ڈیفنس ہاؤسنگ اتھارٹی کی انتظامیہ نے علاقے میں موجود شیشہ بارز پر ریڈ کے دوران ضبط کیے ہوئے تقریباً 800 سے زائد حقے اور شیشے تلف کردیے۔

سپریم کورٹ آف پاکستان نے حال ہی میں ملک میں تیزی سے بڑھنے والے شیشہ پارلرز کو غیر قانونی قرار دے کر انہیں ختم کرانے کا حکم دیا تھا، جس کے بعد ڈی ایچ اے اتھارٹی نے بلڈوزر کی مدد سے ممنوعہ سامان تلف کر دیا۔

ڈی ایچ اے منتظم بریگیڈیئر زبیر احمد کا کہنا تھا کہ شیشہ پینے سے نوجوانوں کی صحت اور اخلاق تباہ ہورہا ہے۔

ان کا مزید کہنا تھا کہ یہ صرف 700 اور 800 کے قریب ضبط کی ہوئی اشیاء ہیں.'یہ صرف شروعات ہے، مزید کاروائی کرنے کے لیے آپریشن جاری رکھا جائے گا'۔