شمال مغربی ایران میں فرناز اسمعیل زادہ ایک پہاڑی پر چڑھتے ہوئے اونچائی اور برفانی ہواﺅں کو نظرانداز کررہی ہیں۔

ستائیس سالہ فرناز 13 سال کی عمر سے پہاڑوں پر چڑھنے کا شوق پورا کر رہی ہیں. وہ ایران میں خواتین ایتھلیٹس کو درپیش رکاوٹوں کو نظرانداز کر کے بین الاقوامی مقابلوں کا حصہ بن رہی ہیں۔

ایران میں خواتین کوہ پیما اور دیگر ایتھلیٹس کو ملک کے ڈریس کوڈ کی پابندی کرنا ہوتی ہے۔

فرناز کہتی ہیں 'میرے لیے پہاڑ سر کرنا زندگی کا حصہ ہے، ایک علامت جس سے پتہ چلتا ہے کہ زندگی کی رکاوٹوں کو کیسے عبور کیا جاتا ہے، میں لوگوں کے خیالات بدلنے کی کوشش کررہی ہوں اور مجھے لگتا ہے کہ مرد اور خواتین میں کوئی فرق نہیں'۔

ایران میں لگ بھگ دو سو ایرانی خواتین کوہ پیما مختلف ایونٹس میں حصہ لیتی ہیں.