بجلی چوروں کے آگے حکومت بے بس: خواجہ آصف

ویب ڈیسک شائع March 15, 2016

لاہور: وفاقی وزیر پانی و بجلی خواجہ آصف نے کہا ہے کہ بجلی چور اتنے مضبوط ہو گئے ہیں کہ حکومتی مشینری بھی ان کے ساتھ مل جاتی ہے یا پھر بے بس ہو جاتی ہے۔

لاہور میں واپڈا کے کارکنوں سے خطاب کرتے ہوئے ان کا کہنا تھا کہ 2018 تک لوڈشیڈنگ کا خاتمہ کردیا جائے گا جبکہ مارکیٹس جلد بند ہونے سے 2000 میگاواٹ بجلی کی بچت ہوگی۔

خواجہ آصف کا کہنا تھا کہ پچھلے تین سال میں ملک میں بجلی پیدا کرنے کی بے انتہا کوشش کی گئی، اب حالات بہتری کی طرف جا رہے ہیں۔

انہوں نے کہا کہ2018 میں عوام کی عدالت میں جائیں گے تو سرخرو ہوں گے۔

یہ بھی پڑھیں: گیس، بجلی چور

بجلی کی بچت کے حوالے سے وفاقی وزیر کا کہنا تھا کہ اگر ملک میں مارکیٹیں بروقت بند ہوجائیں تو 2000 میگاواٹ بجلی بچائی جا سکتی ہے۔

انہوں نے بتایا کہ صنعتوں کے لئے بجلی کی لوڈ شیڈنگ ختم جبکہ ٹیرف میں بھی تین روپے کی کمی کر دی گئی ہے۔

مزید جانیں: 2018 تک لوڈشیڈنگ کا خاتمہ ہوجائےگا: وزیراعظم

خواجہ آصف کا کہنا تھا کہ جن علاقوں میں بلوں کی ریکوری ستر فیصد سے کم ہوتی ہے، صرف ان علاقوں میں لوڈ شیڈنگ کی جارہی ہے۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔

واٹس ایپ چینل

تبصرے (2) بند ہیں

Israr Muhammad khan Mar 16, 2016 01:11am

جناب عالی اپ سے درخواست ھے کہ اگر اپ بجلی چوری بچانا بلکہ ختم کرنا چاہتے ھیں تو بجلی کے قیمت کم کردو اور لوڈشیڈنگ ختم کردو تو مجھے 200 فیصد یقین ھے کہ کوئی بجلی چوری نہیں کریگا اج بجلی کی ایک یونٹ کی کم از کم قیمت تقریباﹰ 8/9 روپے ھے اور زیادہ 30روپے سے بھی اوپر ھے جو بہت ظلم ھے خیبر پختونخوا سے ایک یونٹ 1 روپے50 پیسے پر خریدا جارہا ھے اور اسی صوبے کے لوگوں کو ذکر شدہ قیمتوں میں دیا جارہا ھے اج 100 یونٹ بجلی کا بل 1500 روپے کم نہیں اتا اس کے ساتھ اگر کوئی بچت کرے اور 100 یونٹ خرچ کرتا ھے تو اگلے دن اسی کا میٹر تبدیل کیا جاتا ھے ایس ڈی او کے حکم سے وجہ کم خرچ ھونا ھوتا ھے اب تو یہ بھی سننے میں ایا ھے کہ جو صارف 150 یونٹ سے کم خرچ کریگا انکی بجلی کاٹ دی جائے کہتے ھیں کہ یہ ھمارے لئے نقصان والا صارف ھے واپڈا کیلئے 150سے زیادہ یونٹ خرچ کرنے والے صارف ھیں باقی ان پر بوجھ ھیں

ahmaq Mar 16, 2016 07:40am

yes it is very correct ----------- last days a video was viral on internet that showed how electicity was stolen by the honourable minister himself