افغانستان سے تعلقات پر نظرثانی کر رہے ہیں،خواجہ آصف
سیالکوٹ: وفاقی وزیر دفاع اور پانی و بجلی خواجہ محمد آصف نے دعویٰ کیا ہے کہ زمینی حقائق سے دنیا پر ہندوستان کے سرجیکل اسٹرائیکس کے جھوٹے دعوے کا پردہ چاک ہوگیا ہے۔
میڈیا سے گفتگو میں خواجہ آصف کا کہنا تھا کہ سرجیکل اسٹرائیکس کے 'ڈرامہ' کی منصوبہ بندی پہلے سے ہی کی گئی تھی، جس میں ہندوستانی انٹیلی جنس ایجنسیز نے کردار ادا کیا تاکہ مسئلہ کشمیر سے دنیا کی توجہ ہٹائی جاسکے۔
مزید پڑھیں:سرجیکل اسٹرائیکس ہوتی کیا ہیں؟
وزیر دفاع کا کہنا تھا کہ کشمیر کی آزادی کا سورج جلد ہی طلوع ہوگا اور کشمیری عوام کو ہندوستانی تسلط سے آزادی مل جائے گی۔
خواجہ آصف کا مزید کہنا تھا کہ پاکستان نے ہندوستان کے سرجیکل اسٹرائیکس کے دعووں کو سختی سے مسترد کردیا ہے۔
انھوں نے الزام عائد کیا کہ افغانستان، پاکستانی مفادات کے خلاف ہندوستان کی حمایت کر رہا ہے، جس کے باعث اسلام آباد، کابل سے اپنے تعلقات پر نظرثانی کر رہا ہے۔
یہ بھی پڑھیں:سرجیکل اسٹرائیکس: 'بھارتی دعوے کے ثبوت نہیں مل سکے'
وزیر دفاع کا مزید کہنا تھا کہ پاک-چین اقتصادی راہداری منصوبہ (سی پیک) ایک عالمی سچ بن چکا ہے۔
یہ خبر 3 اکتوبر 2016 کے ڈان اخبار میں شائع ہوئی
لائیو ٹی وی
تبصرے (1) بند ہیں