گلیمر کے بغیر مشہور 70 سالہ یوٹیوب اسٹار

اپ ڈیٹ 14 جولائ 2017

ای میل

70 سالہ پارک میکریے جواں دل طبیعت کی مالک ہیں—فوٹو: اے پی
70 سالہ پارک میکریے جواں دل طبیعت کی مالک ہیں—فوٹو: اے پی

سوشل میڈیا بالخصوص یوٹیوب پر گلیمر کی چکاچوند میں ایک یوٹیوب اسٹار ایسی بھی ہیں جو میک اپ کے بغیر اپنے جھریوں زدہ چہرے کے ساتھ لوگوں کی توجہ سمیٹ کر ان کے چہروں پر مسکراہٹ بکھیرنے کا سبب بن رہی ہیں۔

70 سالہ پارک میکریے کا تعلق جنوبی کوریا سے ہے اور ان کا یوٹیوب چینل ان دنوں جنوبی کورین نوجوانوں میں خاصی مقبولیت اختیار کرچکا ہے۔

پارک میکریے کی مشہوری کا اندازہ اس بات سے لگایا جاسکتا ہے کہ سام سنگ سمیت کئی بڑی کمپنیاں اب انہیں اسپانسر کرنے لگی ہیں۔

لیکن سلیبرٹی کی حیثیت حاصل کرنے کے باوجود بھی وہ علی الصبح اٹھ کر اپنے ریسٹورنٹ کے کاموں میں لگ جاتی ہیں۔

اپنی سادہ ویڈیوز کی وجہ سے وہ نوجوانوں میں خاصی مقبول ہوچکی ہیں—فوٹو: اے پی
اپنی سادہ ویڈیوز کی وجہ سے وہ نوجوانوں میں خاصی مقبول ہوچکی ہیں—فوٹو: اے پی

پارک میکریے کوئی اسٹائلش بیوٹی آئیکون نہیں ہیں، 'گرینڈ ماز ڈائری' کے نام سے اپنے یوٹیوب چینل پر وہ اپنے دوستوں سے ملنے، کبھی کوئی نئی کھانے کی ڈش پہلی بار چکھنے تو کبھی کبھار میک اپ کے ساتھ اپنے تجربات کی ویڈیوز انٹرنیٹ صارفین سے شیئر کرتی ہیں۔

یوٹیوب سبسکرائبرز ان کی سادہ مگر دل سے بنی ویڈیوز کو پسند کرتے ہیں۔

کئی بڑی کمپنیاں خاتون کو اسپانسر کرنے لگی ہیں—فوٹو: اے پی
کئی بڑی کمپنیاں خاتون کو اسپانسر کرنے لگی ہیں—فوٹو: اے پی

وہ کہتی ہیں کہ یوٹیوب پر آمد سے قبل انہیں لگتا تھا کہ 70 سال کی عمر کو پہنچنے پر زندگی بہت بدمزہ ہوگئی ہے لیکن اب مجھے ایسا لگتا ہے کہ زندگی تو اب شروع ہوئی ہے'۔

اپنی پوتی کی مدد سے ویڈیوز بنانے والی 70 سالہ جواں دل خاتون عنقریب سام سنگ ٹی وی کے یو ٹیوب کمرشل میں بھی نظر آنے والی ہیں۔

خاتون اپنی پوتی کی مدد سے ویڈیوز ریکارڈ کرتی ہیں—فوٹو: اے پی
خاتون اپنی پوتی کی مدد سے ویڈیوز ریکارڈ کرتی ہیں—فوٹو: اے پی

6 مہینے سے بھی کم وقت میں پارک میکریے کے یوٹیوب اور انسٹاگرام فالوورز کی تعداد 4 لاکھ کے قریب پہنچ چکی ہے۔

70 سالہ خاتون کی یہ ویڈیو دیکھیں جس میں وہ موجودہ دور کے میک اپ ٹرینڈز کے مطابق نظر آنے کی کوشش کررہی ہیں۔