آسکر ایوارڈ کون کون لے اڑا؟

زیادہ تر وہی لوگ ایوارڈ حاصل کرنے میں کامیاب ہوئے ہیں، جن سے متعلق پہلے ہی جیتنے کی پیش گوئیاں کی گئی تھیں۔

انٹرٹینمنٹ ڈیسکاپ ڈیٹ 05 مارچ 2018 02:24pm

فلمی دنیا کے اعلیٰ ترین اعزاز سمجھے جانے والے ’آسکرز‘ کی 90 تقریب میں ہولی وڈ فلم ’دی شیپ آف واٹر‘ نے 4 ایوارڈ لے کر سب کو پیچھے چھوڑ دیا۔

’دی شیپ آف واٹر‘ کو آسکر کے لیے سب سے زیادہ یعنی 9 نامزدگیاں ملی تھیں، جن میں سے وہ 4 کیٹیگریز میں ایوارڈ لینے میں کامیاب گئی۔

دوسرے نمبر پر فلم ’ڈنکرنک‘ رہی، جس نے تین ایوارڈ حاصل کیے، جب کہ ’تھری بلبورڈزآؤٹ سائڈ ایبنگ مسوری ‘ اور ’ڈارکیسٹ اور‘ کے حصے میں دو، دو ایوارڈ آئے۔

بہترین فلم، ہدایت کار، اداکار و اداکارہ کا ایوارڈ انہوں نے ہی حاصل کیا ہے، جن سے متعلق فلمی ناقدین نے پہلے ہی خیال ظاہر کیا تھا۔

دی شیپ آف واٹر نے نہ صرف بہترین فلم بلکہ بہترین ڈائریکٹر سمیت بہترین پروڈکشن ڈیزائن اور اوریجنل سین کی کیٹیگری میں ایوارڈ جیتے۔

مجموعی طور پر آسکر میں 24 کیٹیگریز میں ایوارڈز دیے گئے، بہترین غیر ملکی زبان کی فلم کا ایوارڈ چلی کی فلم ’فانٹیسٹک ویمن‘ لے اڑی۔