’ہمیں تنگ کرنا بند کیا جائے، الیکشن لڑنے کا پورا موقع دیا جائے‘
سابق وزیرِ ریلوے خواجہ سعد رفیق نے مطالبہ کیا کہ مختلف حربوں سے ہمیں تنگ کرنا بند کیا جائے اور ہمیں بھی الیکشن لڑنے کا پورا پورا موقع دیا جائے۔
خواجہ سعد کا کہنا تھا کہ قومی اسمبلی کی نشست این اے 131 لاہور کے عوام ان کے ساتھ ہیں اور وہ تحریک انصاف کے چیئرمین عمران خان کو بھاری اکثریت سے شکست دیں گے۔
سابق وزیرِ اعظم شاہد خاقان عباسی کی نااہلی پر بات کرتے ہوئے ان کا کہنا تھا کہ شاہد خاقان کو تاحیات نااہل کروانا افسوسناک امر ہے، اگر ایسا ہوتا رہا تو انتخابات کی شفافیت پر سوال اٹھیں گے۔
انہوں نے خبردار کیا کہ ’اگر مسلم لیگ (ن) کے کارکنان کو اس طرح نشان بنایا جاتا رہا تو ہم بہت کچھ بول سکتے ہیں‘۔
خواجہ سعد رفیق نے الزام عائد کیا کہ قومی احتساب بیورو (نیب) اور عدالتوں میں زیرِ سماعت مقدمات میں الجھا کر مسلم لیگ (ن) کی انتخابی مہم کو متاثر کیا جارہا ہے۔
خبر کی تفصیل پڑھیں:
لائیو ٹی وی